बैतडी । बैतडीमा दुई वर्षको अवधीमा ८२ जना महिला तथा बालबालिका हराएका छन् । जिल्ला प्रहरी कार्यालय बैतडीका अनुसार आर्थिक वर्ष २०७८/०७९ र ०७९/०८० मा ८२ जना महिला तथा बालबालिकाहरु हराएका हुन् । हराउनेमा सबै भन्दा धेरै महिलाहरु रहेका छन् ।
जिल्लामा आर्थिक बर्ष २०७९/०८० मा ७२ महिला, २१ बालिका र १० बालक हराएकाले आफन्तले खोजी कार्यका लागि भन्दै प्रहरीलाई खबर गरेका थिए । ति मध्ये ३९ महिला, ९ बालिका र एक बालक नभेटिएको जिल्ला प्रहरी कार्यालय बैतडीका सूचना अधिकारी प्रहरी निरीक्षक लोकराज जोशीले जानकारी दिनुभयो ।
यस्तै आर्थिक बर्ष २०७८/०७९ मा ४० महिला, २६ बालिका, १२ बालक हराएको भन्दै आफन्तहरुले प्रहरीलाई खबर गरेको जिल्ला प्रहरी कार्यालय बैतडीले जनाएको छ । ती मध्ये १७ जना महिला, बालक ६ र बालिका १० जना भेटिएका छैनन् । उनीहरुको खोजी कार्य जारी नै रहेकोे प्रहरी निरीक्षक जोशीले बताउनुभयो ।
खुल्ला सिमानाका कारणले गर्दा पनि जिल्लामा महिला तथा बालबालिकाहरु हराउने गरेका छन् । जिल्ला प्रहरी कार्यालय बैतडीका प्रहरी प्रमुख प्रहरी नायव उपरिक्षक प्रेम बहादुर शाहीले रोजगारीका लागि घरबाट भागेर भारत जाने र उतै काम गरिरहेको हुनाले नभेटिने गरेको बताउनुभयो । बैतडी भारतसंग सीमा जोडिएको जिल्ला भएकाले झुलाघाट नाकामा चेकजाँचमा कडाइ गर्ने गरेको उहाँको भनाई छ । भारत जान लागेकाहरुको रोकेर पनि झुलाघाट नाकाबाट उद्धार गरेको शाहीले बताउनुभयो ।
हराएपछि खोजीकार्यका लागि प्रहरीमा उजुरी दिने र फेला परेपछि खबर नगर्ने गरेको प्रहरीले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच