नवलपरासी । पश्चिम नवलपरासीका सातै वटा पालिकाहरुमा आँखा पाक्ने भाइरल रोगको समस्या बढेको छ ।
जिल्लाको प्रतापपुर गाउँपालिका, बर्दघाट नगरपालिक, रामग्राम नगरपालिका, पाल्हिनन्दन गाउँपालिका, सुनवल नगरपालिका, सरावल गाउँपालिका र सुस्ता गाउँपालिकामा आँखामा संक्रमण भएका बिरामी बढेका छन् ।
जिल्लामा सदरमुकाम परासीमा रहेको विनोद निता कण्डेल आँखा अस्पतालमा दैनिक १ सयभन्दा बढी आँखा पाक्ने भाइरल रोगको समस्या लिएर उपचारका लागि आउने गरेको अस्पतालका व्यवस्थापक तुलसीप्रसाद पराजुलीले बताउनु भयो । ‘ यहाँ उपचारका लागि करिब ३ सय जना भन्दा बढी बिरामीहरु दैनिकी रुपमा आउने गर्छन्।' उहाँका अनुसार उपचारका लागि आउनेमध्ये ५० प्रतिशतभन्दा बढी बिरामी आँखा पाक्ने भाइरल समस्या लिएर आउने गरेका छन् ।
भाइरसको संक्रमणबाट हुने यो रोगले मानिसलाई एक हप्तादेखि १५ दिनसम्म दुःख दिने गर्दछ । समस्या देखिएलगत्तै उपचारका लागि अस्पताल जान, चस्माको प्रयोग गर्न र आँखा राम्ररी सफा गर्न चिकित्सकले सुझाव दिएका छन् ।
जिल्लाका अन्य स्थानीय तहले पनि औषधिको अभाव हुन नदिन तत्काल औषधि खरिद गर्ने निर्णय गरेका छन् । रामग्राम नगरपालिकाले यसको उपचारका लागि आवश्यक औषधि वडा स्वास्थ्य चौकीबाट नै निःशुल्क प्रदान गर्ने र थप जटिलता भएमा नेत्ररोग विशेषज्ञलाई देखाउन प्रचारप्रसार तथा पूर्वतयारीको काम गरिएको नगर प्रमुख धनपति यादवले बताउनु भयो ।
प्रतापपुर गाउँपालिकाले पनि सूचना नै निकालेर आम जनतालाई सुसूचित गरिएको गाउँपालिका प्रमुख उमेश चन्द्र यादवले बताउनुभयो ।
उहाँले भन्नुभयाे, 'पछिल्लो समय आँखा पाक्ने भाइरल बिरामी बढेको पाएका छौ । त्यसैले पालिकाले सुचना नै निकालेर सबैलाई सुसूचित गराएका छौँ ।'
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच