काठमाडौं । अख्तियार दुरुपयोग अनुसन्धान आयोगले कपिलवस्तुको विजयनगर गाउँपालिका–४ का वडाध्यक्ष तिलकराम कंडेलसहित तीन जनाविरुद्ध भ्रष्टाचार मुद्दा दायर गरेको छ ।
सार्वजनिक सम्पत्ति हानीनोक्सानी गरी भ्रष्टाचार गरेको भन्दै शुक्रबार विशेष अदालतमा आरोप–पत्र दायर गरिएको हो ।
वडाध्यक्षले विजयनगर गाउँपालिकालाई बुझाउनुपर्ने शंकरपुर ताल ठेक्का बापतको रकम ठेकेदारबाट लिई उक्त रकम गाउँपालिकालाई नबुझाई आफैं हिनामिना गरेको अभियोगपत्रमा उल्लेख छ ।
अख्तियारका प्रवक्ता भोला दाहालका अनुसार कंडेलले शंकरपुर तालको ठेक्कावापतको रकम विजयनगर गाउँपालिकाको खातामा जम्मा नगरी आफैंले राखेका थिए ।
६ लाख १० हजार रुपैयाँ यसरी हिनामिना गरेको पुष्टि भएपछि अख्तियारले मुद्दा दायर गरेको हो ।
सोही मुद्दामा तत्कालीन गाविस सचिव कृष्णकुमार चौधरी र ठेकेदार सेराज महम्मदबीच सम्झौता भएकोमा ठेक्का सम्झौता बमोजिमको दुई लाख ७० हजार रुपैयाँ हालसम्म पनि दाखिला नभएकाले उनीहरूविरुद्ध पनि मुद्दा दायर गरिएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच