काठमाडौं । प्रमुख प्रतिपक्ष दल नेकपा (एमाले) का अध्यक्ष केपी शर्मा ओलीले सरकारले चोरी पैठारी नियन्त्रण गर्न नसकेको बताउनुभएको छ ।
ओलीले खशी, बोकालगायतका वस्तुहरु चोरी पैठारी गर्दा पनिसरकारले नियन्त्रण गर्न नसकेकाले लक्ष्य अनुसार राजश्व उठन नसकेको समेत बताउनु भयो । राष्ट्रिय विज्ञान दिवसको अवसर पारेर सोमवार पार्टी केन्द्रिय कार्यालयमा च्यासलमा आयोजित एक कार्यक्रममा बोल्दै उहाँले भन्सारबाटै चोरी पैठारी हुँदा पनि सरकारले केही गर्न नसकेको आरोप लगाउनु भयो ।
अध्यक्ष ओलीले विद्युत मुलुकका लागि पर्याप्त नभएपनि सरकारले पुगेजसरी प्रचार गरिरहेको भन्दै असन्तुष्टि व्यक्त गर्नुभयो । उहाँले आफूले पहिलो पटक प्रधानमन्त्री भएका बेला मुलुकलाई आधारभुत रुपमा लोडसेडिङ मुक्त गराएको दाबी समेत गर्नुभयो ।
ओलीले भन्नु भयो, ‘खसी, बोका ट्रकका ट्रक आउँछ । यो कुनै मुख्य भन्सारबाट होइन । मुख्य बाटोबाट होइन । अरु बाटोबाट आएको आएकै छ । मुख्य बाटोबाट पनि आउँछ । किनभने देउरालीमा पाती राख्नुपर्छ । देउरालीमा पाती चढाउने, ट्रक पास । किन राजश्व उठदैन ? त्यतापट्टी म अहिले जान चाहन्न । सच्याउनुपर्ने थुप्रै कुरा छ । धेरै कुराहरु सच्याउनु पर्नेछ । मैले आफ्नो समयमा सच्याउन खोजेको थिए । ऊर्जाको क्षेत्रमा मैले प्रधानमन्त्री हुने बित्तिकै २०७२ साल असोज २४ गते प्रधानमन्त्री निर्वाचित भएको थिएँ । कार्तिक १५ गते सपथ लिएको थिएँ । दशैँको समय पारेर मैले झापामा बोलेको थिएँ–आउँदो तिहार आधारभुत रुपमा बत्ति निभाइने छैन । तपाईहरुले उज्यालो तिहार मनाउन पाउनुहुन्छ । आधारभूत लोडसेडिङ अन्त्य गर्ने केही तरिका मसँग छ । एक्सपर्टसँग अरु परामर्श गर्छु । र, हामी कमसेकम आगामी वर्षको तिहार उज्यालो रुपमा मनाउँछौं । र, मैले त्यहाँबाट आएपछि ऊर्जा सचिवसँग छलफल गरेँ । २० वर्ष लोडसेडिङ अन्त्य हुने केही सम्भावना छैन भने । र, प्रधानमन्त्रीज्युले पनि यसरी बोलिदिनु हुँदैन भनियो । मैले भने–यो आधारभुत रुपमा भनेको छु मैले । २० वर्षमा पनि लोडसेडिङ अन्त्य हुँदैन भने म प्रधानमन्त्री किन चाहियो, तपाई ऊर्जा सचिव किन चाहियो ? तनाखा खान चाहियो ? २० वर्षमा त उलटफेर गर्न सकिन्छ नि । अहिले उद्योगहरुले विद्युत पाएको छैन । के भन्छ भने सवस्टेशनहरु छैन । त्यसकारण विद्युत सप्लाई गर्न सकिएन । कहाँ विराटनगरका उद्योगहरु, वीरगञ्जका उद्योगहरु भैरहवाका उद्योगहरु, अरु ठाउँका उद्योगहरु । उनीहरुले अहिले पनि विद्युत मागी राखेका छन् । ६ मेघावाट, अरु पनि । अहिले पनि सिमेन्ट उद्योगहरुले मागी राखेका छन् । हामीलाई पुग्दो विद्युत उत्पादन भएको छैन । पुग्दो विद्युत उत्पादन भएपनि अर्को उपभोग गर्ने तरिका पनि सिकाएका छैनौं ।’
अध्यक्ष ओलीले मुलुकलाई अघि बढाउनका लागि वैज्ञानिक खोज तथा अनुसन्धानको विषयलाई विशेष ध्यान दिनुपर्ने बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच