भोजपुर । सिलिचुङ खानेपानी तथा सरसफाई मुल उपभोक्ता समिति भोजपुरको मतदात प्रकियाबाट तुफान किरातको नेतृत्वमा नौ सदस्यीय मुल कार्य समिति बनेको छ । समितिको बिद्यान २०५७ (संसोधन सहित) को दफा १२ (१) बमोजिम मुल कार्य समिति गठन प्रक्रियाका लागि मतदान भएको हो ।
दुई समुहका बीचमा भएको प्रतिस्पर्धामा छ सय २५ मत ल्याउदै किरात बिजयी हुनु भएको हो भने प्रतिस्पर्धी राजकुमार श्रेष्ठले तीन सय ५१ मत पाउनु भएको थियो । उपाध्यक्षमा लिलामाया तामाङ, सचिव घमचन्द्र दाहाल, कोषाध्यक्ष कृष्णमाया तामाङ निर्वाचित हुनु भएको छ ।
यसैगरी खुल्ला सदस्यमा नारायण बहादुर कार्की र रमन राई, महिला सदस्य सुशीला तामाङ आदिवासी जनजाति सदस्य कल्पना देवी तामाङ र दलित सदस्यमा देवी सुन्दास बिजयी हुनु भएको हो । समितिका लागि तुफान समुहबाट छ जना र राजकुमार समुहबाट तीन जना निर्वाचित हुनु भएको छ ।
कुल एक हजार नौ सय ५१ मतदाता मध्ये एक हजार ५६ मत खसेको थियो । जुन ५४ दशमलब १३ प्रतिशत हो । कोषाध्यक्ष पदमा कृष्णमाया तामाङ निर्विरोध निर्वाचित भएकाले अध्यक्ष सहित आठ पदको लागि मतदान भएको थियो ।
जिल्लामा सिलिचुङ खानेपानीबाट बितरित पानी भोजपुर नगरपालिकाको वडा नम्वर ५, ६, ७, ८, ९ र १२ गरी छ वटा वडाका दुई हजार दुई सय घरधुरीले उपयोग गर्दे आई रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच