दिल्ली । दक्षिण अफ्रिकाले आइसिसी विश्वकप २०२३ मा अष्ट्रेलियामाथि १३४ रनको सानदार जित हात पारेको छ । जितको लागि दक्षिण अफ्रिकाले दिएको ३१२ रनको विशाल विजयी लक्ष्य पछ्याएको अष्ट्रेलिया ४०.५ ओभरमा १७७ रनमा समेटियो । अष्ट्रेलियाका मार्नस लाबुसेनले ७४ बलमा तीन चौकासहित ४६ रन जोड्नुभयो ।
स्टार्क ५१ बलमा तीन चौकासहित २७ रनमा आउट हुनुभयो । स्टिभ स्मिथ १६ बलमा चार चौकासहित १९ रनमा कागिसो रबाडाको बलमा एलबीडब्लुको धरापमा पर्नुभयो । प्याट कमिन्स २२, एडम जाम्पा ११ र जोश हेजलवुडले दुई रन बनाउनुभयो । दक्षिण अफ्रिकाका कागिसो रबाडाले आठ ओभरमा एक मेडनसहित ३३ रन खर्चेर तीन विकेट लिनुभयो । मार्को यानसन, केशव महाराज र तबरेज शाम्सीले दुई–दुई विकेट लिनुभयो ।
त्यसअघि लखनऊमा टस हारेर पहिला ब्याटिङको निम्तो पाएको दक्षिण अफ्रिकाले निर्धारित ५० ओभरमा सात विकेट गुमाउँदै ३११ रन बनाएको थियो । दक्षिण अफ्रिकाको जितमा ओपनर डि ककले १०६ बलमा आठ चौका र पाँच छक्कासहित १०९ रनको शतकीय इनिङ खेल्नुभयो ।
कप्तान टेम्बा बभुमा ५५ बलमा दुई चौकासहित ३५ रनमा आउट हुनुभयो । रास्सी भान डर डुसेन ३० बलमा दुई चौकासहित २६ रनमा आउट हुनुभयो । मध्यक्रमका ब्याटर एडेन माक्ररमले ४४ बलमा सात चौका र एक छक्कासहित ५६ रनमा आउट हुनुभयो । अष्ट्रेलियाका ग्लेन म्याक्सवेलले १० ओभरमा एक मेडनसहित ३४ रन खर्चेर दुई विकेट लिनुभयो । एडम जाम्पाले १० ओभरमा ७० रन खर्चेर एक तथा मिचेल स्टार्कले नौ ओभरमा ५३ रन खर्चेर दुई विकेट लिनुभयो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच