काठमाडौं । नेकपा (एमाले) का अध्यक्ष केपी शर्मा ओलीले एकतामा जोड दिन पार्टीका नेता, कार्यकर्तालाई निर्देशन दिनुभएको छ ।
सोमवार पोखरामा आयोजित पार्टीको प्रदेशस्तरीय कार्यक्रममा बोल्दै उहाँले पार्टीलाई सफल र सबल बनाउन पार्टीका नेता, कार्यकर्ताहरुलाई एकतावद्ध भएर अघि बढ्न सचेत गराउनुभएको हो । अध्यक्ष ओलीले कम्युनिष्ट आचरण र अभ्यास बिना पार्टीलाई एकतावद्ध बनाउन नसकिने भएकाले त्यस कुराको ख्याल गर्न पनि सिंगो पार्टी पंक्तिलाई आह्वान गर्नुभयो । घमण्डले पतनको बाटोमा लैजाने उल्लेख गर्दै उहाँले सो बाटोमा जान नहुनेतर्फ पनि नेता, कार्यकर्ताहरुको ध्यानाकर्षण गराउनु भयो । अध्यक्ष ओलीले एमालेले समृद्ध नेपालः सुखी नेपालीको राष्ट्रिय संकल्प लिएकाले त्यसलाई पूरा गर्न सिंगो पार्टी परिचालित हुनुपर्ने बताउनु भयो ।
उहाँले भन्नुभयो, ‘पार्टीमा तीन वटा कुराको आवश्यक्ता छ । एउटा, एकता । दोस्रो पनि एकतानै हो । र, तेस्रो पनि एकता । अथवा तीन वटा कुरा चाहिन्छ हामी सफल हुन र सबल हुन् । त्यो हो–एकता, एकता अनि एकता । त्यसकारण हाम्रो कमरेडहरुलाई म सुझाव दिन चाहन्छु–एकतामा जोड दिनुस् । एकतामा जोड दिन, कम्युनिष्ट आचरण र अभ्यास विना एकतामा जोड दिन सकिदैन । कम्युनिष्ट भित्र पहिलो कुरा घमण्ड हुनै हुँदैन । मान्छेको दिमागमा घमण्ड पस्यो भने घमण्ड यसरी दिमागमा बस्छ, त्यसले अरु केही चिज दिमागमा पस्नै दिँदैन । ज्ञान पस्न दिँदैन, शालिनता पस्न दिँदैन । विनम्रता पस्न दिँदैन । सामाजिकता पस्न दिँदैन । मानवियता पस्न दिँदैन । केही पनि पस्न नदिएर घमण्डले दिमाग भरिन्छ । र, अनि मान्छेको पतन त्यसरी शुरु हुन्छ । अहंकार, त्यसले मान्छेलाई पतन गराउँछ । किनभने अहंकारले मित्र बनाउन दिँदैन । एकता बनाउन दिँदैन । सबैको प्रिय बन्न दिँदैन । प्रिय भनेको बिरोधीको पनि प्रिय भनेको होइन । त्यो त संघर्ष नगर्नेहरु जसका पनि प्रिय हुन्छन् । संघर्ष गर्नेहरु, एउटा उद्देश्य बोकेकोहरु, त्यो उद्देश्य बोकेकाहरुको निम्ति प्रिय हुन्छन । जनताका प्रिय हुन्छन । जनताको प्रिय हुनु र सबैको प्रिय हुनु फरक कुरा हो । मैले पहिले पहिले पनि भनेको छु–तपाई हरेकलाई खुशी पार्न सक्नु हुन्न । र, विरोधी उद्देश्य बोकेका, विपरित उद्देश्य बोकेकाहरुलाई खुुशी पार्न सक्नुहुन्न । तर बिरोधी विचार र उद्देश्य बोकेकाहरुलाई पनि हामी स्वीकार गर्छौं । र, स्थान दिन्छौं । उनीहरुको बिरुद्ध निषेधको राजनीति हामी गर्दैनौं । हामी विपक्षसँग पनि सहअस्तित्व स्वीकार्छौं । र, प्रतिष्पर्धा स्वीकार्र्छौं । बुर्जुवाहरुले प्रजातन्त्र भनेपनि फरक विचारलाई स्वीकार गर्न सक्दैनन् ।’
अध्यक्ष ओलीले एमालेले विपक्षमाथि निषेध र दमनको राजनीति नगरेको दाबी समेत गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच