![नेपालगञ्ज म्याराथनको अन्तिम तयारी पूरा](https://ehimalayatimes.com/wp-content/uploads/2023/11/Final-preparations-for-Nepalgunj-Marathon-completed.jpg)
काठमाडौं । नेपाल तेक्वान्दो संघले चीनमा भएको चौथो एसियाली पारा खेलकुदअन्तर्गत तेक्वान्दोमा ऐतिहासिक कांस्यपदक जितेकी पलेशा गोवर्धनलाई शुक्रबार नगदसहित सम्मान गरेको छ । नेपाल पारालिम्पिक कमिटीकी अध्यक्ष राधा घले र तेक्वान्दो संघका अध्यक्ष प्रकाश शमशेर राणाले पलेशालाई नगद तीन लाखसहित प्रशंसा पत्र प्रदान गरी सम्मान गर्नुुभएको हो ।
सोही अवसरमा टोलीका प्रशिक्षक कवि राज नेगी लामा र व्यवस्थापक रामचन्द्र श्रेष्ठलाई पनि सम्मान गरिएको छ । प्रशिक्षक लामालाई ७५ हजारसहित प्रशंसा पत्र तथा श्रेष्ठलाई प्रशंसा पत्र प्रदान गरी सम्मान प्रदान गरिएको हो । कार्यक्रम दौरान संघले पलेशाका बुबा प्रदीप र आमा मनितालाई पनि सम्मानित गर्नुभयो ।
त्यसै कार्यक्रममा एभरेष्ट तेक्वान्दो केयर्स फाउण्डेशन, युएसले पनि पलेशा र लामालाई नगदसहित सम्मान गरेको छ । फाउण्डेशनका नेपाल प्रतिनिधि बलराम कार्कीले पलेशालाई ५० हजार र लामालाई २० हजार नगदसहित सम्मान गर्नुभयो ।
गत अक्टोबर २२ देखि २८ तारिखसम्म चीनको हाङ्चोमा भएको एसियाली पारा खेलकुदको तेक्वान्दोतर्फ के–४४ क्याटगोरीको महिला ५७ केजीमुनि पलेशाले नेपाललाई ऐतिहासिक कांस्य पदक दिलाउनु भएको थियो । पलेशाले जितेको पदक नेपालले पारा एसियाली खेलकुदमा जितेको पहिलो पदक हो । पलेशाले करियरमा जितेको यो तेस्रो अन्तर्राष्ट्रिय पदक हो ।
यसअघि पलेशाले १ स्वर्ण र २ कांस्य रजत जित्नुभएको थियो । पलेशाले टोकियो पारा ओलम्पिक-२०२० मा दुई ‘बाउट’ जितेर इतिहास पनि रच्नुभएको थियो । पलेशा ओलम्पिकमा दुई खेल जित्ने एक्ली नेपाली खेलाडी हुनुहुन्छ । कांस्य पदक भिडन्तमा पलेशा चीनकी खेलाडीसँग चुक्नुभएको थियो ।
प्रशिक्षकका रूपमा लामाले विभिन्न अन्तर्राष्ट्रिय पारा प्रतियोगितामा पलेशाकोसहित जितेको नवौं पदक हो । अन्तर्राष्ट्रिय लेभल-२ प्रशिक्षक लामाको प्रशिक्षणमा नेपालले २ स्वर्ण, दुई रजत र पाँच कांस्य जितेको छ । पलेशाले एक स्वर्ण र एक कांस्य, सिर्जना घिसिङले एक स्वर्ण र दुई रजत, रञ्जना धामीले दुई कांस्य तथा विक्रम श्रेष्ठ र विशाल गर्बुजाले समान एक-एक कांस्य जित्नुभएको थियो । टोकियो पारा ओलम्पिकमा पनि लामा नै पलेशाका प्रशिक्षक हुुनुहुन्थ्यो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच