काठमाडौं । भारतीय लोकप्रिय गायक विनित सिंह नेपाल आउनुहुने भएको छ । उहाँ आफ्नो ब्याण्डसहित सांगीतिक प्रस्तुतिका लागि नेपाल आउन लाग्नुभएको हो । दरबारमार्गस्थत कल्ब प्लाटिनममा आगामी डिसेम्बर २ (मंसिर १६ गते) शनिबार आयोजना हुने ‘विनिथ सिंह लाइभ इन नेपाल’ कार्यक्रममा उहाँले आफ्नो चर्चित गीतसंगीत प्रस्तुत गर्नुहुनेछ । विनित बलिउडमा दर्जनौंभन्दा बढी गीतसंगीत गाएर चर्चामा हुनुहुन्छ ।
कार्यक्रमको आयोजना एल एण्ड एन मोडेल एजेन्सीले गरेको हो । कार्यक्रममा विनितले ‘तेरा प्यार प्यार हुक्कः बार’, ‘तुम चैन हो करार हो’, ‘जलते दिए’, ‘प्रेम लिला’, ‘तु कमाल दि कुडी’ जस्ता गीत गाउने एजेन्सीका प्रबन्ध निर्देशक नितिन कायस्थले बताउनुभयो । कार्यक्रमले सांगीतिक मनोरञ्जन दिलाउनुको अलवा नेपालमा पर्यटन प्रवद्र्धनमा मद्दत पुग्ने विश्वास आयोजकको छ । कार्यक्रमको टिकट एभेन्टोज नेपालले जिम्मा लिएको छ ।
आफ्नो तीनदिन नेपाल बसाइमा विनितले पशुपतिनाथ दर्शन, नेपाली खानाको स्वाद लिने र पर्यटकीयस्थलको भ्रमण गर्ने कार्यक्रम रहेको आयोजक टोलीका सानु खानले जानकारी गराउनुभयो । विनितको कार्यक्रमले नेपालको अर्थतन्त्रलाई केही टेवा पुग्ने विश्वास आयोजकको रहेको छ । कार्यक्रममा विनितको अलवा नेपालका चर्चित गायक गायिकाको समेत प्रस्तुति रहने कल्ब प्लाटिनमका सञ्चालक डेभिल सिंह राजपुतले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच