![दाउरा र स्याउलाको प्रयोग घटेपछि जंगल भए हराभरा](https://ehimalayatimes.com/wp-content/uploads/2023/03/ban-jangal.jpg)
बुटवल । नेपाली कांग्रेसका सभापति शेरबहादुर देउवाले लुम्बिनीबाट सुरु भएको कांग्रेसको लहर अब सातै प्रदेश हुँदै देशभर पुग्ने बताउनुभएको छ । बुटवलमा शनिबारबाट सुरु भएको लुम्बिनी प्रदेश सम्मेलनलाई सम्बोधन गर्दै सभापति देउवाले देशका जस्तासुकै अफ्ठ्यारा परिस्थितिलाई सामना गरेको कांग्रेस अब पनि नडगमगाउने बताउनुभयो । उहाँले कांग्रेस राम्रो हुँदा जनता राम्रो हुने बताउँदै जनतामा निराशा नछर्न पनि आग्रह गर्नुभयो । सभापति देउवाले कम बोल्ने र काम बढी गर्न खोजिरहेको पनि बताउनुभयो । उहाँले भन्नुभयो, ‘म राम्रो बोल्ने मानिस होइन, तपाईंहरूलाई थाहा छ । कम बोल्ने, काम बढी गर्न खोजिरहेको छ, हेरौँ के हुन्छ ।’
सभापति देउवाले बुद्ध जन्मस्थल लुम्बिनी प्रदेशबाट पार्टी बलियो बनाउने उद्घोष पनि गर्नुभएको छ । सम्मेलनको उद्घाटन समारोहअघि नेताहरूले पार्टीभित्र गुटबन्दी अन्त्य गर्नुपर्ने, प्रदेशलाई अधिकार सम्पन्न बनाउनुपर्ने धारणा राखेको विषयमा इंगित गर्दै देउवाले आफू भाषण गर्न नजाने भन्दै काम गरेर देखाउने बताउनुभएको हो । उहाँले गौतमबुद्ध जन्मेको भूमिबाट कांग्रेस बलियो बनाउने विश्वास लिएको बताउँदै आफू मिलेर काम गर्न तयार रहेको स्पष्ट पार्नुभयो ।
केन्द्रीय सदस्य भण्डारीप्रति कटाक्ष
कांग्रेस सभापति शेरबहादुर देउवाले कार्यक्रममा केन्द्रीय सदस्य डा. चन्द्र भण्डारीप्रति कटाक्ष गर्नुभएको छ । डा. भण्डारीले टिकट वितरणमा गुटबन्दी भएको बताएकोमा कटाक्ष गर्दै देउवाले भाषणभन्दा काम गर्न आग्रह गर्नुभयो । सभापति देउवाले भण्डारीको वाककला राम्रो रहेको भन्दै प्रशंसा गर्नुभएको थियो । उहाँले भन्नुभयो, ‘चन्द्र भण्डारीजी भाषण गर्न सिपालु हुनुहुन्छ, अब काम गर्ने बेला आएको छ, काम पनि गर्नुस् ।’ नेता भण्डारीले गत निर्वाचनमा पार्टी सभापति र नेतृत्वले गुटका आधारमा टिकट बाँड्दा कांग्रेसलाई ठूलो क्षति भएको विषय उठाउनुभएको थियो । नेता भण्डारीले पार्टी नेतृत्वले गरेका कमजोरीका विषयमा प्रश्न उठाउँदा सम्मेलनमा सहभागी इतर समूहका धेरैले ताली बजाएका थिए ।
त्यसको केही समयपछि बोल्दै पार्टी सभापति देउवाले आफ्नो छोटो मन्तव्यको सबै विषय यसको जवाफमै केन्द्रित गर्नुभयोे । उहाँले आफ्नो मन्तव्यको सुरुमै नेता भण्डारीलाई जवाफ दिँदै अब बोलेर मात्रै नहुने काम गरेर देखाउनुपर्ने जवाफ दिनुभएको थियो ।
कांग्रेसको प्रदेश सम्मेलन पार्टी बलियो बनाउने अभियान भएको सभापति देउवाको भनाइ छ । ‘कांग्रेसमा सम्मेलनहरूले पार्टीलाई बलियो बनाउँछ, आन्तरिक लोकतन्त्र बलियो बनाउँछ, पार्टीलाई एक बनाउन मेरो आग्रह छ, पार्टी बलियो भए मात्र सबै बलियो बन्ने हो ।’ सभापति देउवाले बुद्ध जन्मेको ठाउँबाट पार्टीलाई थप बलियो बनाएर जानुपर्ने बताउनुभयो । ‘हामी बुद्ध जन्मेको ठाउँमा छौँ, यही भूमिबाट कांग्रेसलाई बलियो बनाउने संकल्प गरौँ, सम्मेलनको पूर्ण सफलताको कामना गर्दछु ।’ सभापति देउवा सम्बोधनलगत्तै काठमाडौं फर्कनुभएको थियो ।
कांग्रेसका नेता एवं लुम्बिनी प्रदेशका स्वास्थ्यमन्त्री राजु खनालले प्रदेश संरचनामा बाँडिएपछि बनेको सातवटा प्रदेशको सञ्चालन र विकासका बारेमा नेपाली कांग्रेसले उत्कृष्ट कार्य गर्दै आइरहेको भन्दै प्रदेशका बारेमा पछिल्लो समय सबैको चासो गुनासो भएकाले नेतृत्व तहले के कस्तो नीति ल्याएको छ भन्ने आम कार्यकर्ताहरूको रहेको बताउनुभयो । कांग्रेस लुम्बिनी प्रदेशका सभापति अमरसिंह पुनले देशको अवस्थाको बारेमा र देशको भविष्यका बारेमा अब के भन्छ भन्ने जिज्ञासा सबैको रहेको भन्दै विचार धारणा स्पष्ट पार्नुपर्ने बताउनुभएको थियो । उहाँले अर्थतन्त्र, पेसा रोजगारी, उद्योगी, शिक्षा, स्वास्थ्य लगायतको अवस्थालाई मजबुत बनाउन जरुरी रहेको बताउँदै नेपाली कांग्रेस पार्टी गम्भीर बन्न आग्रह गर्नुभएको थियो । उहाँले संविधान सबै ठिक छ भनेर आफूले नभन्ने तर संविधानको पूर्ण कार्यान्वयन गर्नुपर्ने पार्टीको दायित्व रहेको जनाउँदै संघीयताको बारेमा नकारात्मक कुराहरू फैलिँदै गएकाले यसको स्थायित्व गर्न पार्टीको नेतृत्वले स्पष्ट पार्नुपर्नेमा जोड दिनुभयो ।
नेपाली कांग्रेस लुम्बिनी प्रदेश प्रथम प्रदेश सम्मेलन २०८० शनिबारबाट बुटवलमा सुरु भएको छ । सम्मेलन आज (आइतबार) सम्पन्न हुँदै छ । सम्मेलनमा कांग्रेस सभापति देउवाको साथै महामन्त्रीद्वय गगनकुमार थापा र विश्वप्रकाश शर्मा, सहमहामन्त्री किशोरसिंह राठौर, केन्द्रीय सदस्यहरू डा. शेखर कोइराला, डा. चन्द्र भण्डारी, दीपक गिरी, पुष्पा भुसाल, देवेन्द्रराज कँडेललगायत दर्जन बढी नेताहरूको उपस्थिति रहेको छ । सम्मेलनमा लुम्बिनी प्रदेशका सबै जिल्लाका कांग्रेस प्रतिनिधिहरू सहभागी भएका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच