लण्डन । इंग्लिस प्रिमियर लिगमा लिभरपुल र म्यानचेस्टर युनाइटेडले बराबरी खेलेका छन् । घरेलु मैदान एनफिल्डमा भएको खेलमा दुवैले गोलरहित बराबरी खेलेका हुन् । बराबरीपछि लिभरपुल १७ खेलमा ३८ अंकसहित दोस्रो स्थानमा छ । तेस्रो स्थानमा रहेको एस्टन भिल्लाको पनि समान ३८ अंक नै छ । पहिलो स्थानमा रहेको आर्सनलको ३९ अंक छ । म्यानचेस्टर युनाइटेड भने १७ खेलमा २८ अंकसहित सातौँ स्थानमा छ ।
यता, इंग्लयाण्डका कप्तान एवं फरवार्ड हृयारी केनले जर्मन बुण्डेसलिगामा कीर्तिमान कायम गर्नुभएको छ । बुण्डेसलिगामा उहाँ सर्वाधिक छिटो २० गोल गर्ने पहिलो खेलाडी बन्नुभएको हो । बायर्न म्युनिखले आइतबार राती भिएफबी स्टुटगार्टलाई ३-० ले हराउँदा केनले २ गोल गर्नुभयो ।
घरेलु मैदान एलियान्ज एरिनामा केनले खेलको दोस्रो मिनेटमा नै गोल गर्नुभएको थियो । लियोरी सानेले दिएको पासमा उहाँले गोल गर्नुभएको थियो । ५५औँ मिनेटमा केनले अर्को गोल गर्दै अग्रता दोब्बर पार्नुभयो ।
बुण्डेसलिगामा पहिलो सिजन खेलिरहनुभएका केनको १४औँ खेलमा त्यो २०औँ गोल हो । योसँगै उहाँले हृयामवर्गका उवे जिलाको नाममा रहेको कीर्तिमान तोड्नुभयो । जिलाले सन् १९६३/६४ को सिजनमा २१ खेलमा २० गोल गर्नुभएको थियो । २०२० मा बोरुसिया डर्टमन्डबाट एर्लिङ हालाण्डले २२ खेलमा २० गोल गर्नुभएको थियो ।
बायर्नका लागि ६३औँ मिनेटमा किम मिनले तेस्रो गोल थप्नुभयो । यो सिजन किम मिनको त्यो पहिलो गोल हो । साबिक विजेता बायर्न १४ खेलबाट ३५ अंक जोड्दै तालिकाको दोस्रो स्थानमा छ । एक खेल बढी खेलेको शीर्षस्थानको बायर लिभरकुसेनभन्दा बायर्न अझै चार अंकले अघि छ । ३१ अंकसहित स्टुटगार्ट चौथो स्थानमा छ ।
रियल शीर्षमा
स्पेनिस ला लिगामा जिरोनालाई पछि पार्दै रियल म्याड्रिड पुनः पहिलो स्थानमा फर्किएको छ । रियलले आइतबार भिल्लारियललाई ४-१ ले सहजै हरायो । टोलीको जितमा जुड बेलिङ्गम, रोड्रिगो, ब्राहिम डियाज र लुका मोड्रिचले गोल गर्नुभयो ।
घरेलु टोलीले खेलको २५औँ मिनेटमा बेलिङ्गमको हेडर गोलमार्फत् अग्रता लिएको थियो । ला लिगामा बेलिङ्गमको त्यो १३औँ हो । उहाँले मोड्रिचको पासमा गोल गर्नुभएको हो । ३७औँ मिनेटमा रोड्रिगोले गोल गर्नुभयो ।
५४औँ मिनेटमा होसे लुइस मानेरालेसले गोल गर्दै अन्तर घटाउनुभएको थियो । तर, ६४औँ मिनेटमा डियाजले गोल गर्दै रियलको अन्तरलाई बढाउनुभयो । ६८औँ मिनेटमा मोड्रिचले गोल गरेपछि रियलको जित सहज बन्यो । रियलको १७ खेलबाट ४२ अंक पुगेको छ । एक खेल कम खेलेको जिरोना (४१ अंक) सोमबार हुने खेलमा विजयी भएमा पुनः शीर्षस्थानमा फर्कनेछ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच