काठमाडौं । सूर्य नेपाल गल्फ टुर २०२३-२४ अन्तर्गत सिजनको दोस्रो प्रतियोगिता सूर्य नेपाल एनपिजिए म्याच प्लेमा उत्कृष्ट १६ खेलाडीले प्रतिस्पर्धा गर्ने भएका छन् । बिहीबारदेखि रोयल नेपाल गल्फ क्लबमा सुरु हुने सिजनका कुल आठमध्ये यो प्रतियोगितामा गत सिजन अर्डर अफ मेरिटमा पर्न सफल उत्कृष्ट १६ खेलाडीले खेल्न पाउनेछन् ।
तर, यो पटक नेपाल नम्बर एक शुक्रबहादुर राईसँगै १४औँ वरीयताका टंकबहादुर राई, १५औँ वरीयताका बलभद्र राई र १६औँ वरीयताका कमल तामाङले व्यक्तिगत कारण नखेल्ने भएपछि १७औँ वरीयताका दीपक मगर, १८औँ वरीयताका तोरणविक्रम शाही, १९औँ वरीयताका प्रदीपकुमार लामा र २०औँ वरीयताका रामकृष्ण श्रेष्ठले म्याच प्लेमा स्थान बनाउनुभएको छ । म्याच प्लेको ड्रअनुसार भुवन नगरकोटीले पहिलो चरणमा २०औँ वरीयताका रामकृष्ण श्रेष्ठसँग खेल्नुहुनेछ ।
तेस्रो वरीयताका निरज तामाङको सामना १९औँ वरीयताका प्रदीपकुमार लामाले गर्नुहुनेछ । डिफेन्डिङ च्याम्पियन तथा चौथो वरीयताका दिनेश प्रजापतीले १८औँ वरीयताका तोरणविक्रम शाहीसँग खेल्नुहुनेछ । यस्तै, १७औँ वरीयताका दीपक मगरले पाँचौँ वरीयताका जयराम श्रेष्ठलाई प्रतिद्वन्द्वीका रूपमा पाउनुभएको छ ।
यसैगरी पहिलो चरणकै अर्को खेलमा छैटौँ वरीयताका सञ्जय लामा र १३औँ वरीयताका शिवराम पौडेलबीच प्रतिस्पर्धा हुनेछ । सातौँ वरीयताका रवि खड्काको सामना १३औँ वरीयताका रमेश अधिकारीले गर्नुहुनेछ । अर्को खेलमा आठौँ वरीयताका रामे मगर र ११औँ वरीयताका सूर्यप्रसाद शर्माबीच क्वाटरफाइनल प्रवेशका लागि प्रतिस्पर्धा हुनेछ । यस्तै, नवौँ वरीयताका धनबहादुर थापा र १०औँ वरीयताका भुवनकुमार रोक्काले पहिलो चरणको खेलमा एक अर्काको सामना गर्नुहुनेछ ।
खेलाडीहरूले कुल दुई लाख ५० हजार रुपैयाँ नगद पुरस्कारका लागि प्रतिस्पर्धा गर्नेछन् । पहिलो चरणमा पराजित हुने आठ खेलाडीहरूले जनही ६ हजार तथा क्वाटरफाइनलमा पराजित चार खेलाडीले ११ हजार प्राप्त गर्नेछन् । विजेताले ६० हजार प्राप्त गर्दा दोस्रो हुने खेलाडीले ४२ हजार तथा तेस्रो र चौथो हुने खेलाडीहरूले क्रमशः ३२ हजार र २४ हजार प्राप्त गर्नेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच