ललितपुर । छैटौँ तुल्सीलाल स्मृति राष्ट्रिय क्लब टिम च्याम्पियनसिप बुद्धिचाल प्रतियोगिताको तेस्रो चरण खेल सकिँदासम्म आयोजक ललितपुर स्पोर्ट्स क्लब र दोलखा चेस शोम समान ६ अंकसहित शीर्ष स्थान रहेका छन् । आयोजक क्लबका दौरान क्लबका राजन सुवेदीले सिएम मिलन लामालाई, रिसोन थापाले कुशल बेलबासेलाई र आयुष देमन रौराले रिया श्रेष्ठलाई हराउनुभयो । सरोज महर्जन खेल स्थलमा डिभाइस साथमा राखेर खेल्दा अयोग्य घोषित भई अंक गुमाउन पुग्नुभयो ।
दोलखा चेस होमका डब्लुएफएम सुजना लोहनीले अभिक शाहमाथि जित दर्ता गर्नुभयो । वर्तमान नेपाल च्याम्पियन एफएम रुपेश जैसवाल र पुरुषोत्तम सिलवाल, मुहान नर्सिङ श्रेष्ठ र स्वर्णिम दुवाल, सुश्रुत दहाल र राजेश कक्षपति बीचको खेल बराबरीमा टुंगिएको छ ।
नेपाल बुद्धिचाल महासंघ र ललितपुर स्पोर्ट्स क्लबको संयुक्त आयोजना जारी ललितपुरको च्यासलस्थित तुल्सीलाल प्रतिष्ठान हलमा जारी प्रतियोगितामा पूर्व टिम च्याम्पियन थापाथली पार्क चेस क्लबले दोखला जिल्ला बुद्धिचाल संघलाई २.५-१.५ ले हरायो ।
पार्क टिमले पाँच अंक बनाएका छन् । यसैगरी ललितपुर महानगरपालिका चेस टिमले कास्की जिल्ला बुद्धिचाल संघमाथि २.५-१.५ ले जित दर्ता गर्नुभयो । जसमा ललितपुरका जनाद्र्धन श्रेष्ठले महेश्वर अधिकारीलाई, पुनम प्रसाईंले अनिज पोखरेललाई पराजित गर्नुभयो भने आर्य मुकारुङ र आश्चर्य चौधरीसँग बराबरी गर्दै ललितपुर टिमलाई महत्वपूर्ण जित दिलाउनुभयो । कमल श्रेष्ठ भने सागल शाईसँग पराजित हुन पुग्नुभयो ।
त्यस्तै, अर्को खेलमा मकवानपुर जिल्ला बुद्धिचाल संघले कास्की जिल्ला बुद्धिचाल संघलाई पराजित गर्दा सिएम श्रृष्ण थापा, सिन्देश्वर दाश र अनुशा गौतमले जित हात पार्नुभएको हो । सुदेन टुईटुई अरिज पोखरेलसँग पराजित हुन पुग्नुभयो ।
उता, मक्खन चेस क्लब काठमाडौंले ललितपुर जिल्ला बुद्धिचाल संघलाई पाँच अंकविरुद्ध ३.५ ले पराजित गर्दै महत्वपूर्ण दुई अंक जोड्न सफल हुनुभएको छ । तीन पटकका पूर्व नेपाल च्याम्पियन बद्रीलाल नेपालीले कृष्णमान महर्जनलाई, शतिष शाहले कपिल घिमिरेलाई, रियान श्रेष्ठले शुभम यादवमाथि जित निकाल्नुभयो भने आर बज्राचार्य र बाबुराजा महर्जनबीचको खेल बराबरीमा टुंगिएको थियो ।
त्यसैगरी, गोदावरी नगरपालिका र कोशी प्रदेश बुद्धिचाल संघबीचको खेल बराबरीमा सकिएको छ । गोदावरीका शान्ति धिमालले सजल न्यौपानेलाई पराजित गर्नुभयो । धीरेन राई र प्रकाश चन्द्र नेपाल, अशाक मोहन श्रेष्ठ र सविन चन्द्र घिमिरेबीचको खेल बराबरीमा सकिएका छन् । सुभव न्यौपाने मिसन दहालसँग पराजित हुन पुगे । पुस २८ गतेसम्म प्रतियोगितामा चार लाख ७० हजार रुपैयाँ रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच