![देशको हितका लागि काँग्रेस सरकार वा भुइँमा जहाँ बस्नुपरे पनि तयार छ : महामन्त्री थापा](https://ehimalayatimes.com/wp-content/uploads/2024/01/gagan-thapa-3.jpg)
काठमाडौं । तीव्र गतिका बलर आकाश चन्द र कप्तान देव खनालको उत्कृष्ट प्रदर्शनमा आईसीसी यू-१९ विश्वकप २०२४ मा नेपाल अफगानिस्तानलाई एक विकेटले हराउँदै सुपर सिक्समा पुगेको छ । नेपाल समूह ‘डि’ बाट तेस्रो स्थानमा रहँदै सुपर सिक्समा पुगेको हो । जितको लागि १४६ रनको मध्यम विजयी लक्ष्य नेपालले ४४.४ ओभरमा नौ विकेट गुमाउँदै पूरा गर्यो ।
नेपालले ४५ औं ओभरको चौथो बलमा नौ विकेटको क्षतिमा लक्ष्य भेट्टाएको हो । अफगानिस्तानलाई हराउँदा नेपालका आकाश चन्द प्लेयर अफ द म्याच हुनुभयो । उहाँले अफगानिस्तानका पाँच विकेट लिनुभएको थियो ।
टोलीलाई १९ रन आवश्यक हुँदा देव ३७ औं ओभरको तेस्रो बलमा ५८ रनमा आउट हुन पुग्नुभयोे । उहाँले ८९ बलको सामना गर्दा सात चौका प्रहार गर्नुभयो ।
नेपालका लागि ओपनर अर्जुन कुमालले १० रन जोड्दा बिपिन रावल दुई रनमै आउट हुनुभयो । १२ बल खेल्नुभएका गुल्शन झा मात्रै एक रनमा बोल्ड हुनुभयो ।
त्यसपछि आउनुभएका कप्तान देवले नेपालको इनिङ सम्हाल्दै जितसम्म डोहोर्याउनुभएको हो । दीपक बोहोरा टोलीलाई ६ रन आवश्यक भएको अवस्थामा २७ रन जोडेर आउट हुनुभयो ।
आकाश त्रिपाठी १६ रन, दीपक डुम्रे पाँच, दिपेश कंडेल चार, आकाश चन्द एक रनमै आउट हुनुभयो । तिलक भण्डारी शून्य रनमा नटआउट रहँदा सुवास भण्डारी नौ रनमा अविजित रहनुभयो ।
अफगानिस्तानका फारिदुन दाउड्जाइले तीन विकेट लिनुभयो । खालिल अहमेद र नाशिर खानले समान दुई विकेट लिँदा अल्लह मोहमद घजानफार र आरव गुलले एक-एक विकेट लिनुभयो ।
त्यसअघि टस जितेर पहिले ब्याटिङ गरेको अफगानिस्तानले ४०.१ ओभरमा १४५ रन बनाउँदा अलआउट भएको थियो ।
अफगानिस्तानविरुद्ध नेपालका तीव्र गतिका बलर आकाश चन्द चम्किँदा अफगानिस्तान पूरै ओभर क्रिजमा टिक्न सकेन ।
आकाशले अफगानिस्तानका ब्याटरलाई लामो समय क्रिजमा टिक्न दिनुभएन । उहाँले आठ ओभरमा ३४ रन खर्चेर पाँच विकेट लिनुभयो ।
गुलशन झा, सुवास भण्डारी र तिलक भण्डारीले समान एक विकेट लिँदा दिपेश कँडेलले दुई विकेट आफ्नो नाममा दर्ज गर्न सफल हुनुभयो ।
अफगानिस्तानलाई कम स्कोरमा रोक्नका लागि पहिलो ओभरमै गुलशन झाले सफलता दिलाउनुभएको थियो । पहिलो ओभरको चौथो बलमा गुल्सन झाले ओपनर नुमान शाहलाई शुन्य रनमै दीपक डुम्रेको हातबाट क्याच आउट गराउनुभएको थियो ।
त्यसपछि आकाश चन्द चम्किँदा अफगानिस्तानको इनिङ धरापमा पर्दै गयो । आकाशले आफ्नो पहिलो ओभरमै सफलता हात पार्नुभयो ।
दोस्रो ओभरको तेस्रो बलमा आकाशले खालिम तनिवाललाई पनि शून्य रनमै विकेट किपर विपिन रावलको हातबाट क्याच गराउँदै पेबेलियन फर्काउनुभयो ।
क्रिजमा रनका लागि संघर्ष गरेको अफगानिस्तानले आकाशको कसिलो बलिङ सामना गर्न कठिन पर्यो । पाँचौं ओभरको पाँचौं बलमा १७ रन बनाउँदा अफगानिस्तानले जमशिद जड्रानलाई पनि सस्तैमा गुमायो । १४ बल खेलेका जड्रान मात्रै तीन रन जोडेर बोल्ड हुनुभएको थियो ।
१० रन जोडेपछि अफगानिस्तानको अर्को विकेट धरापमा पर्यो । आठौं ओभरको अन्तिम बलमा सोहिल खान जुरमतीलाई कप्तान देव खनालले आकाशकै बलमा क्याच आउट गर्नुभयोे ।
त्यसपछि पनि आकाशको आक्रमण रोकिएन । १० औं ओभर बलिङ गरेका आकाशले पहिलो बलमै अहली अहमदलाई एलबीडब्ल्यु धरापमा पार्नुभयो । अहमद शून्य रनमै आउट हुँदा नेपालले पाँचौं सफलता हात पार्यो । १२ औं ओभरसम्म पनि अफगानिस्तानी ब्याटरसामु नेपाली बलर आकाश चन्द हाबी भइरहनुभयो ।
१२ औं ओभरको तेस्रो बलमा आकाशले व्यक्तिगत पाँचौँ विकेट लिँदा हसन इसाकिल पेबेलियन फर्किने छैठौं ब्याटर बन्नुभयो । जतिबेला अफगानिस्तानको खातामा मात्रै ४३ रन थियो ।
२० रन बनाएका हसनलाई दीपेश कंडेलको हातबाट क्याचआउट गराउनुभयो । त्यसपछि भने नेपालले विकेटका लागि केही संघर्ष गर्नु पर्यो । आठौं क्रममा आएका अफगानिस्तानी अलराउण्डर अल्ला महमद घजानफरले आक्रमक इनिङ्स खेल्नुभयो । सातौं विकेटका लागि ४२ लरनको साझेदारी गर्दा उहाँले मात्रै २१ बलमा ३७ रन जोडनुभएको थियो ।
तर आफ्नो पहिलो ओभर बलिङ गर्न आउनुभएका तीलक भण्डारीले घजानफरलाई सुवास भण्डारीको हातबाट क्याच आउट गराउनुभयो ।
तीलकको बलमा क्याचआउट हुनुअघि घजानफरले पहिलो बलमा छक्का र दोस्रो बलमा चौका प्रहार गर्नुभएको थियो । तेस्रो बलमा पनि लामो सर्ट प्रहार गर्न खोज्दा उहाँ क्याचआउट हुन पुग्नुभयो ।
त्यसपछि मात्रै तीन रन जोड्दा अफगानिस्तानले अर्को विकेट गुमायो । दिपेशले पनि आफ्नो पहिलो ओभरको तेस्रो बलमै नेपाललाई सफलता दिलाउनुभयो । २१ औं ओभरको तेस्रो बलमा दिपेशले आरव गुललाई शून्य रनमै एलबीडब्लू धरापमा पार्नुभयो ।
एक समय २०.३ ओभरमा -८ को अवस्थामा रहेको अफगानिस्तानकालागि नवौँ विकेटका लागि कप्तान नासिर खान मारुफखिल र फरिदुन दवोडनाइले ५५ रनको साझेदारी गर्दै इनिङस् उकासनुभएको थियो । नेपालविरुद्ध अफगानीस्तानले बनाएको यो नै सर्वाधिक साझेदारी हो ।
तर कप्तान नासिर खान मारुफखिललाई ३७.४ ओभरमा ३१ रनमा कट एण्ड बोल्ड गर्दै दिपेशले व्यक्तिगत दोस्रो विकेट लिँदै नेपाललाई सामान्य लक्ष्यतर्फ अगाडि बढाउनुभयो ।
त्यसपछि अफगानिस्तानले दुई रन मात्रै थप्न सक्यो । दिपेशले ४१ औं ओभरको पहिलो बलमै फरिदुन दवोडनाइलाई कप्तान देव खनालको हातबाट क्याचआउट गराएसँगै अफगानिस्तान अलआउट भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच