![मिलनचोक-रातोढुङ्गा प्रसारण लाइन र सबस्टेशनको परीक्षण सफल](https://ehimalayatimes.com/wp-content/uploads/2024/01/Milanchok-Ratodhunga-Prasaran-Line.jpg)
एजेन्सी । सुकेश चन्द्रशेखरले कालो धनलाई सेतो बनाएको मामिलामा अभिनेत्री ज्याकलिन फर्नांडिज झन्झन् फस्ने देखिएकी छन् । कानुन पालना गराउने भारतीय निकाय प्रवर्तन निदेशालय (इडी)ले दाबी गरेअनुसार सुरेशको ठगी धन्दामा ज्याकलिन पनि संलग्न थिइन् । सुकेशले गरेका अपराधको जानकारी अभिनेत्रीलाई पनि भएको र त्यसरी कमाएको पैसा चलाएर उनले सबुत प्रमाण मेटाउने काम गरेको इडीको भनाइ छ ।
इडीले दिल्ली उच्च अदालतसमक्ष २०० करोड भारु बराबरको सम्पत्ति शुद्धीकरण मामिला अभिनेत्री फर्नांडिजले जानीबुझीकन ठग सुकेशले आपराधिक गतिविधि गरेर कमाएको आय लिएको र सोको खर्चमा सामेल भएको दलिल पेस गरेको छ । ज्याकलिनको याचिकाको जवाफमा ईडीले यो तर्क गरेको हो । सुकेश सम्बद्ध सम्पत्ति शुद्धीकरण मामिलामा अभिनेत्रीले एक याचिका दायर गर्दै आफूविरुद्धको एफआइआर रद्द गर्न माग गरेकी थिइन् । यस मामिलामा दिल्ली उच्च अदालतले अप्रिल १५ मा सुनवाइ गर्दैछ ।
ज्याकलिनले सुकेशसँगको वित्तीय लेनदेनको सत्यता कहिले पनि सार्वजनिक गरेको र आफूहरूले सबुत नपाउँदासम्म तथ्यहरू लुकाएको दाबी इडीको छ । यस मामिलामा ज्याकलिनले सुरु देखि नै आफूलाई निर्दोष बताउँदै आएकी थिइन् । तर छानबिनका क्रममा उनले सुकेशले आफूलाई उत्पीडन गरेको कुनै प्रमाण पेस गर्न नसकेको इडीको दाबी छ । सुकेशको पत्नी छ भन्ने थाहा पाउँदा पाउँदै पनि ज्याकलिनले सुकेशसँग सम्बन्ध राखेको पनि इडीको भनाइ छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच