बझाङ । बुंगल नगरपालिकाले खरिद गरेको जेसिबी अवैधानिक रहेको आरोप लागेको छ । बुंगल नगरपालिकाले २०७६ सालमा खरिद गरेको जेसिबीको नगरपालिकासँग कुनै पनि कागजात तथा स्रेस्ता नभेटिएको जेसिबी छानविन समितिका संयोजक धु्रवराज जोशीले बताउनुभयो । उहाँले खरिद गर्ने बेलामा आफू नगरपालिकामा कर्मचारी नरहेको भए पनि छानविन समितिको संयोजक भएपछि आफूले नगरपालिकामा जेसिबीका सम्पूर्ण कागजात खोज्दै गर्दा कुनै पनि कागजात नभेटाएको बताउनुभयो ।
निवर्तमान नगरप्रमुख धनबहादुर विष्ट नगरप्रमुख रहेका बेला खरिद गरेको जेसिबीको कुनै पनि कागजात नभएको र अवैधानिक रहेको जानकारी आएपछि स्थानीय युवा रामचन्द्र जोशीले छानविन गरिपाऊँ भन्दै गत जेठमा नगरपालिकामा निवेदन गर्नुभएको थियो । त्यसपछि तत्कालीन प्रमुख प्रशासकीय अधिकृत सूर्यप्रसाद चापागाईँले नगरपालिकाको प्रशासन शाखामा कार्यरत ध्रुवराज जोशीको संयोजत्वमा तीन सदस्यीय छानविन समिति गठन गरेको थियो ।
छानविन समितिले जेसिबीका कागजात खोज्दै गर्दा खरिद गर्ने बेलाको कुनै पनि कागजात फेला नपरेको र भुक्तानी गर्ने बेलामा भौचर र बुद्ध इलेक्ट्रो पावर प्राइभेट लिमिटेडको ३५ लाख ९५ हजारको भ्याटबिल, एक लाख ८० हजारको बैंक ग्यारेण्टी मात्रै फेला परेको भए पनि अन्य कुनै पनि स्रेस्ता नभेटिएपछि छानविन गर्न नसकिएको छानविन समिति संयोजक जोशीले बताउनुभयो ।
जेसिबीको हालसम्म बिलबुकलगायत अन्य कुनै पनि कागजात भेटिएको छैन । उक्त जेसिबी अहिले बिग्रिएर काम नलाग्ने अवस्था रहेको छ । जेसिबी मर्मत गर्नको लागि पनि लाखौँ रुपैयाँ खर्च हुने भन्दै नगरपालिकाले नयाँ जेसिबी किन्नका लागि बजेट विनियोजन गरेको सार्वजनिक सुनुवाइ कार्यक्रममा नगरप्रमुख जयबहादुर धामीले बताउनुभयो । बुंगल नगरपालिकाको मेयर चढ्ने गाडीको फोरहिल पनि बेचिएको आरोप छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच