काठमाडौं । विश्व कीर्तिमानी गीतकार तथा उपन्यासकार डा. डीआर उपाध्याय र उहाँको टिमले तिलिचो तालभन्दा माथि गीत रेकर्डिङ गरेर विश्व कीर्तिमान कायम गरेको छ । उहाँहरूको टिमले पाँच हजार १०५ मिटरको उचाइ (हाई अलटिच्युट)मा विश्व कीर्तिमान कायम गरेको प्रमाणपत्र गिनिज बुक अफ वल्र्ड रेकर्डले प्रदान गरेको हो ।
सो टिमलाई शुक्रबार राष्ट्रपति रामचन्द्र पौडेलले बधाई तथा शुभकामना दिनुभएको छ । राष्ट्रपति कार्यालय शीतल निवासमा भएको कार्यक्रममा राष्ट्रपति पौडेलले विविध कष्टका बाबजुद पनि आफ्नो लक्ष्यमा पुगेर कीर्तिमान कायम गर्नुभएको भन्दै बधाई तथा शुभकामना दिनुभएको थियो । ‘विभिन्न कष्ट, दुःख पाएर पनि आफ्नो लक्ष्यमा पुग्नुभयो, यो प्रशंसनीय कार्यका लागि बधाई तथा शुभकामना दिन चाहन्छु,’ उहाँले भन्नुभयो । राष्ट्रपति रामचन्द्र पौडेलले विभिन्न क्षेत्रका व्यक्तिहरूले कायम गरेको यस्ता कीर्तिमानले राष्ट्रको नै गौरव बढाउने बताउनुभयो ।
उक्त कार्यक्रममा यात्रा अनुभव र यसले विश्व कीर्तिमान कायम गर्दासम्मका विषयमा पत्रकार कृष्ण भुसालले भनाइ राख्नुभएको थियो । उहाँले तिलिचो ताल यात्राका अनुभव सुनाउँदै कलाकार श्रद्धा क्षेत्री ठूलो दुर्घटनाबाट बाँच्न सफल भएको खुलासा गर्नुभएको थियो ।
डा. उपाध्यायको शब्द रहेको यो गीतमा सागर अधिकारी ‘शरद’ को स्वर र सन्तोष श्रेष्ठको संगीत छ । महेन्द्र चन्द ‘माइकल’को निर्देशन रहेको गीतको भिडियोमा पुष्प खड्का र श्रद्धा क्षेत्रीलाई फिचरिङ गरिएको छ । उत्सव दाहालले छायांकन गर्नुभएको भिडियोमा सिलन लम्सालको सम्पादन छ । गीत भिडियोसँग सम्बन्धित सबैलाई गिनिज बुक अफ वल्र्ड रेकर्डले प्रमाणपत्र उपलब्ध गराएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच