भोजपुरका डिल्लीरामले ल्याए तेस्रो गीत ‘ए सुन माया’ (भिडियोसहित)

निरोज कोइराला भोजपुर, संवाददाता

Sunday March 17, 2024

Read Time = 2 mins

डिजिटल संस्करण

मनोरञ्जन

A A- A+

भोजपुर । बिगतमा दुई वटा म्युजिक भिडियो सार्वजनिक गरिसकेका भोजपुरको पूर्वी अरण गाउँपालिका निवासी डिल्लीराम अधिकारीको तेस्रो सांगीतिक प्रस्तुतीकारुपमा ‘ए सुन माया’ बजारमा आएको छ ।

अधिकारीको रचना तथा स्वर रहेको ‘ए सुन माया’ को म्युजिक भिडिओ सार्वजनिक गरिएको हो । यो गीतमा अधिकारीलाई चर्चित गायिका समीक्षा अधिकारीले साथ दिनु भएको छ । विकृति विसंगति र सरोकारका मुद्धालाई आफनो गीतमा समेट्दै आउनु भएका अधिकारीले तेश्रो गीतमा जातीय विभेद विरुद्ध आफूलाई उतार्दै अन्तरजातीय प्रेमलाई सबैले साथ र सम्मान गर्नुपर्ने सन्देश दिनखोज्नु भएको छ ।

अधिकारीले यस भन्दा अगाडी पहिलो गीत ‘खाडीको लाहुरे’ र दोश्रो ‘नर्कको मलामी’ म्युजिक भिडियो बजारमा ल्याउनु भएको थियो । भिडिओमा अर्जुन खड्का र जुना कार्कीको अभिनय रहेको छ । मनिपाल राईको संगीत रहेको गीतको कोरियोग्राफी तथा निर्देशन सुरेश पाण्डेले गर्नु भएको छ भने एरेन्ज राजु कार्कीको छ ।

बिकृति बिसंगति र सरोकारका मुद्धालाई समेटदै निर्माण थालिएको सन्देश मुलक म्युजिक भिडियोलाई आगामी दिनहरुमा पनि निरन्तरता दिने अधिकारीको भनाई रहेको छ । कालु पाँडे समाधीस्थल नजिकै छायांकन गरिएको अधिकारीको तेश्रो म्युजिक भिडिओ एनपी म्युजिक मिडिया युट्युव च्यानलबाट सार्वजनिक गरिएको हो ।