काठमाडौं । अर्जुन कुमालको शतकका बाबजुद नेपाल ‘ए’ तीन एकदिवसीय शृंखलामा क्लिन स्विपबाट जोगिन असफल भएको छ । कुमालले ११८ बलमा १४ चौकासहित १०२ रनको योगदान गर्नुभएको थियो । आइतबार कीर्तिपुरस्थित त्रिवि क्रिकेट मैदानमा सम्पन्न खेलमा घरेलु टोली नेपाल आयरल्याण्ड वुल्भ्ससँग ६९ रनले पराजित भएको हो । योसँगै शृंखला आयरल्याण्डले ३-० ले क्लिन स्विप गरेको छ ।
खेलमा वुल्भ्सले प्रस्तुत गरेको २८५ रनको लक्ष्य पछ्याउने क्रममा नेपाल ३९.४ ओभरमा २१५ रनमा अलआउट भयो । अर्जुन साउदले ३६, नरेन भट्ट र रूपेश सिंहले समान १५ रन बनाउनुभयो । देव खनाल ११ रन जोडेर आउट हुनुभयो । भीम सार्की ‘गोल्डेन डक’ हुनुभएको थियो ।
नेपाललाई सस्तैमा समेट्न वुल्भ्सका बेन हृवाइटले पाँच विकेट लिनुभयो । १० ओभर बलिङ गर्नुभएका हृवाइटले एक मेडन फ्याँक्दै ६२ रन खर्चिनुभयो । गाभिन होइले चार र म्याथ्यु फोस्टरले एक विकेट हात पार्नुभयो ।
त्यसअघि टस जितेर ब्याटिङमा उत्रिएको आयरल्याण्ड वुल्भ्सले निर्धारित ५० ओभरमा ९ विकेट गुमाएर २८४ रन बनाएको थियो । आयरल्याण्डका ओपनर स्टेफन डोहेनीले १०७ रन जोड्नुभयो । उहाँले १२९ बलमा आठ चौका र दुई छक्का प्रहार गर्नुभयो । पेटर मुरले ४४, म्याथ्यु हम्फ्रेसले २३, मोर्गन टोपिङले २१, फियोन हृयाण्डले २० रन थप्नुभयो । बेन हृवाइटले १९ र गाभिन होइले १४ रन बनाउनुभयो ।
नेपालका रिजन ढकाल र रञ्जित कुमारले समान तीन विकेट लिनुभयो । विकास आग्री र साहब आलमले एक/एक विकेट हात पार्नुभयो । यसअघि बुधबार सम्पन्न खेलमा नेपाल २१ रनले पराजित भएको थियो । त्यस्तै, शुक्रबार सम्पन्न दोस्रो खेलमा आयरल्याण्डले नेपाललाई ११४ रनले पराजित गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच