नयाँदिल्ली । इण्डियन प्रिमियर लिग (आइपिएल)मा चेन्नई सुपर किंग्सबाट खेलिरहनुभएका महेन्द्रसिंह धोनीले अर्को कीर्तिमान बनाउनुभएको छ । उहाँ ४० वर्षको उमेरपछि आइपिएलमा ५०० रन बनाउने पहिलो खेलाडी बन्नुभएको हो । धोनीले विकेटकिपरका रूपमा आइपिएलमा पाँच हजार रन पनि पूरा गर्नुभयो । धोनी पाँच हजार रन पनि पूरा गर्ने पहिलो विकेटकिपर बन्नुभयो ।
धोनी अहिले ४२ वर्षका हुनुभयो । उहाँले क्रिस गेलको कीर्तिमान तोड्नुभएको हो । विकेटकिपरका रूपमा पनि उहाँले २५१ खेल खेलिसक्नुभएको छ । धोनीपछि बेंग्लोरका दिनेश कार्तिकले विकेटकिपरका रूपमा २२८ खेलमा ४३६३ रन बनाउनुभएको छ ।
धोनीको स्ट्राइक रेट पछिल्लो दुई वर्षमा सबैभन्दा राम्रो छ । धोनीले गत वर्ष आइपिएलमा १८२.४६ को स्ट्राइक रेटमा १०४ रन बनाउनुभएको थियो । यो वर्ष उहाँले हालसम्म २५५.८८ को स्ट्राइक रेटमा ८७ रन बनाउनुभएको छ । धोनीले विकेटकिपरका रूपमा खेल्दै आइपिएलमा पाँच हजारभन्दा बढी रन पूरा गर्नुभएको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच