काठमाडौं । दैनिक एक चम्चा मह सेवन स्वस्थ र दीर्घ जीवन भन्ने नाराका साथ बुधबारदेखि काठमाडौंममा पाँचौँ राष्ट्रिय महमेला आयोजना हुने भएको छ । मह उत्पादन र खपत बढाउन मह सेवनका फाइदाबारे व्यापकरूपमा सर्वसाधारणसम्म सूचना प्रवाह गर्न महमेला आयोजना गर्न लागिएको आयोजकले मंगलबार पत्रकार सम्मेलनमार्फत् जानकारी गराएको हो ।
स्वदेशी महको बजारीकरण तथा मह उत्पादक किसान, मह बिक्रेता र उपभोक्ताबीचको सम्बन्ध प्रगाढ बनाउने उद्देश्यले नेपाल घरेलु तथा साना उद्योग महासंघको आयोजनामा नेपाल मौरीपालक महासंघ, नेपाल मौरीपालन केन्द्रीय सहकारी संघ र व्यावसायिक किट विकास निर्देशनालयको सहआयोजनामा हुने मेला पाँच दिनसम्म चल्ने मौरीपालक महासंघका अध्यक्ष सुभाषचन्द्र घिमिरेले जानकारी दिनुभयो । मह उत्पादक किसानलाई राष्ट्रिय तथा अन्तर्राष्ट्रिय बजारसँग जोड्न तथा विभिन्न स्रोतका महबारेमा उपभोक्तालाई परिचित गराउने महमेलाको उद्देश्य रहेको उहाँको भनाइ थियो ।
व्यावसायिक किट विकास केन्द्रका प्रमुख भोजराज सापकोटाले नेपाली मह विश्वमै उत्कृष्ट हुँदाहुँदै पनि बजार नपाएको अहिलेको अवस्था चिर्न मेलाले प्रभावकारी भूमिका खेल्ने बताउनुभयो । नेपाल मौरीपालन केन्द्रीय सहकारी संघकी अध्यक्ष जानुकादेवी थापाले नेपालमा उत्पादित महको उत्पादन, खपत र निकासीको प्रशस्त सम्भावना भए पनि सरकारले सुविधा र सहुलियतबारेमा पर्याप्त जानकारी दिन नसक्दा ओझेलमा परेको बताउनुभयो । घरेलु तथा साना उद्योग महासंघका अध्यक्ष उमेशप्रसाद सिंहले महको उत्पादनदेखि व्यावसायिक समस्या समाधानका लागि महासंघ सहकार्य गर्न तयार रहेको बताउनुभयो ।
१७ औँ अन्तर्राष्ट्रिय औद्योगिक व्यापार मेला तथा घरेलु उद्योग महोत्सव-२०८१ कै ब्यानरभित्र वैशाख २६ गतेदेखि ३० गतेसम्म विविध अर्गानिक महका छुट्टै प्याभिलियनमार्फत् महमेला आयोजना गर्न लागिएको उहाँले जानकारी गराउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच