काठमाडौं । प्रधानमन्त्री पुष्पकमल दाहाल प्रचण्डले वर्तमान सत्ता समीकरणमा कहालीलाग्दो कुनै उतारचढाव नआएको बताउनु भएको छ ।
शनिबार नेपालको कम्युनिष्ट आन्दोलन र जनक्रान्तिका ऐतिहासिक दस्तावेजहरु स्मारिका विमोचन कार्यक्रमलाई सम्बोधन गर्दै उहाँले यस्तो बताउनु भएको हो ।
आफूले केही दिनदेखि लगातार समीकरणभित्र पनि र प्रतिपक्षमा पनि छलफल गरिरहेको बताउँदै उहाँले भन्नुभयो, ‘परिस्थिति मलाई कहालिलाग्दो त लागेको छैन, उत्तारचढावहरु छन् ।’
सहकारी ठगी प्रकरण र संसद अवरोधका विषयमा प्रधानमन्त्री प्रचण्डले भोलि विहानसम्म कांग्रेससँग सहमति गरेर संसद् अवरोध अन्त्य हुने समेत विश्वास व्यक्त गर्नुभयो ।
‘मैले केही दिनदेखि लगातार समीकरणभित्र पनि र प्रतिपक्षमा पनि छलफल गरिराखेको छु । अहिले हामी समीकरणमा भएका प्रमुख दलसँग छलफल छ । मलाई विश्वास छ भोलि विहानसम्म एउटा निकास दिनुपर्छ भन्नेमा लागिरहेको छु,’– उहाँले भन्नुभयो ।
प्रधानमन्त्री दाहालले आफूले चौथो पटक संसद्बाट विश्वासको मत लिन लागेको जानकारी गराउँदै उहाँले मत पाउनेमा आफू ढुक्क रहेको पनि बताउनु भयो ।
संख्यामा घटबढ भएपनि मत पाउनेमा दुविधा नरहेको बताउँदै उहाँले भन्नुभयो, ‘घटबढ भइराख्छ तर विश्वासको मत प्राप्त हुन्छ भन्ने कुरामा म कुनै दुविधामा छैन ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच