काठमाडौं । नेपालको काठमाडौं किकर्स फुटबल एकेडेमीले जर्मनीको म्युनिखस्थित मोम्मेन्डोर्फमा आयोजित चर्चित युथ लिग भिआर बैंक कपमा यू-१४ तर्फको उपाधि जितेको छ । सोमबार सम्पन्न प्रतियोगितामा आफ्नो अपराजित यात्रा कायम गर्दै किकर्सको यू-१४ टोली च्याम्पियन बनेको हो । राउण्ड रोविन लिग र फाइनल चरणका गरी १३ खेल खेलेको किकर्सले नौ खेलमा जित र चार खेलमा बराबरीको नतिजा निकाल्दै ३१ अंक बनाएको थियो । किकर्सको यस समूहमा जर्मनीका विभिन्न एकेडेमीका अन्य नौ टोलीको सहभागिता थियो ।
टोलीले अन्तिम दिनको खेलमा चारमध्ये तीनमा जित र एकमा बराबरीको नतिजा निकाल्दै उपाधि सुनिश्चित गरेको हो । टोलीले आफ्नो अन्तिम खेलमा एसभी सिलेन्बाकलाई २-० गोल अन्तरले हरायो । टोलीको यो महत्वपूर्ण जितमा आर्यवीर सिंह एक्लैले दुई गोल गर्नुभयो । आर्यवीर आफ्नो समूहमा सर्वाधिक गोलकर्तासमेत बन्नुभयो । उहाँले प्रतियोगिता अवधिभर आठ गोल गर्नुभएको थियो ।
नेपाली टोलीलाई जर्मनीको राष्ट्रिय फुटबल टोलीका पूर्वखेलाडी एवं बुन्डेस लिगा क्लब स्टुटगार्टका पूर्वकप्तान थोमस हिल्सपर्गरले पुरस्कार वितरण गर्नुभएको थियो । विश्वकपसमेत खेलिसक्नुभएका हिल्सपर्गरले नेपाली खेलाडीसँग समेत केही समय बिताउनुभएको थियो ।
मोम्मेन्डोर्फ फुटबल क्लबले हरेक वर्ष आयोजना गर्दै आइरहेको यस प्रतियोगिताको यो ५५औँ संस्करण हो । प्रतियोगितामा विभिन्न उमेर समूहमा गरी ७६ टोली र २० क्लबका गरी १२ सयभन्दा बढी खेलाडीले भाग लिएका थिए ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच