काठमाडौं ।
सहकारीको रकम अपचलनबारे छानबिन गर्न गठन गर्ने भनिएको संसदीय समितिको कार्यादेश बनाउन गठित कार्यदलले कम्पनीको नाम उल्लेख गरेर संसदीय छानबिन समिति बनाउने सहमति गरेको छ ।
शनिवार सिंहदरबारमा बसेको कार्यादलको बैठकमा सो सहमति जुटेको हो । यद्यपि शिर्ष नेताहरुको बैठकपछि मात्रै अन्तिम सहमति हुने र संसदीय छानबिन समिति बन्ने कानून, न्याय तथा संसदीय मामिलामन्त्री पदम गिरीले बताउनु भयो ।
उहाँकाअनुसार बैठक आज नै प्रधानमन्त्रीको सरकारी निवास बालुवाटारमा बस्नेछ ।
शीर्ष नेताहरुको बैठकपछि मात्रै संसदीय छानबिन समिति बन्ने टुंगो लाग्ने बताउनु भयो । प्रमुख प्रतिपक्ष दल नेपाली काँग्रेसले विगत लामो समय यता उपप्रधानमन्त्री एवं गृहमन्त्री रवि लामिछानेमाथि संसदीय समिति गठन गरी सहकारीको रकम अपचलनसम्बन्धी छानबिन गर्नुपर्ने माग गर्दै संसद अवरोध गर्दै आएको छ । संसदको अवरोध हटाउन सत्ता पक्षले सहकारीको रकम अपचलन गर्ने कम्पनीको नाम तोकेर कार्यादेश बनाउन तयार भएको बताउनु भयो ।
उहाँले भन्नुभयो, ‘कार्यदलको बैठक यसअघिका बैठकहरु भन्दा धेरै नै अघि बढेर सहमितको नजिक पुगेका छाँै । हामी टुंगोमा पुगिसकेका छैनाैँ । यसबाट निस्किसकेपछि बालुवाटारमा दलका शिर्ष नेताहरुसँग हामी बस्नेछौँ । यो छलफलमा भएका कुराहरु शिर्ष दलका नेताहरुसँग राख्छौँ । हामीलाई के विश्वास छ भने जुन ढंगले हामीले छलफल गरेका छाैंँ, त्यसको विस्तृत विषय शिर्ष नेताहरुको बीचमा राखिसकेपछि यसलाई अन्तिम टुंगोमा पु¥याउन बैठक निकै नै महत्वपूर्ण भएको छ । यसको विषय बालुवाटारको बैठकबाट निस्कर्षमा पुग्नेछ । विगतमा सहकारीबाट रकम लगेर हिनामिना, अपचलन भएको विषयलाई यो यो सहकारीबाट रकम अपचलन भएको हो । कम्पनीका यि व्यक्तिले अपचलन गरेको लेख्नुपर्छ भन्ने त्यो मागका साथ प्रमुख प्रतिपक्ष लगायतका राजनीतिक दलहरुले उठाउँदै आउनुभएको थियो । मुलुकका संकटग्रस्त रहेका सहकारी र खासगरी सार्वजनिक मिडियामा आएका र संसदमा उठेका कुरा सम्बन्धी छानबिन गरौँ भन्ने थियो । आज हामी जुनजुन सहकारीबाट रकम लगिएको छ वा त्यसबाट नियम विपरित रकम गएको छ, जुन कम्पनीहरुबाट लिइएको छ भन्ने ति कम्पनी र सहकारी संस्थाको नाम लेखेर छानबिन गर्ने आजको बैठकमा छलफल भएको छ । व्यक्तिलक्षित नाम किटान हुनु हुँदैन भन्ने हिसावमा समिति गठन गर्ने सकारात्मक भएको हो ।’
उहाँले कम्पनीको छानबिन गर्दै जाँदा अपचलन गर्नेहरुको नाम स्वतः आउँदै जाने बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच