काठमाडौं । साउन ४ गतेदेखि सिनेमाघरमा आउने तयारीमा रहेका चलचित्र ‘सतीदेवी’ को अफिसियल पोस्टर सार्वजनिक गरिएको छ । लेखक तथा निर्देशक लक्ष्मण सुवेदी निर्देशित सार्वजनिक चलचित्रको पोस्टरमा ‘सतीदेवी’को शीर्ष भुमिकामा रहनुभएकी अभिनेत्री मलिका महतलाई अश्रुसहित नवजात शिशुलाई स्तनपान गराइरहेको देख्न सकिन्छ । पोस्टरमा मलिकासँगै दुई बालकलाकार हर्षिका वली र मञ्जिला बाँनियालाई समेत फिचर गरिएको छ ।
यसअघि फर्स्टलुकमा मलिकालाई कालो मोसो र जुत्ताको माला लगाएर गाउँलेहरूले लखेटी रहेको अवस्थामा मलिकालाई परस्तुत गरिएकोमा सोमबार सार्वजनिक भएको पोस्टरले छोरी हुनुको गम्भीर पीडालाई प्रस्तुत गरेको बुझ्न सकिन्छ । चलचित्रको कथा-पटकथा सुवेदीले नै तयार पार्नुभएको हो ।
दिलासा र साराको प्रस्तुतिमा तयार भएको यो चलचित्रमा मलिका, हर्षिका, मञ्जिलासँगै सन्दीप बाबु लोहनी, रमेश बुढाथोकी, कुलदीप अधिकारी, भोला सापकोटा, सिर्जना अधिकारी, सुजिता सिवाकोटी, सन्देश लिम्बु, मनिषा सापकोटा, जयन्त रेग्मी, विमल श्रेष्ठ, देव महर्जन, तुलसी श्रेष्ठ, इभेन जोशी, इश्वरी सिंह, पवन केसी र जगदीश अधिकारीको अभिनय छ ।
चलचित्रको छायांकन बाबु श्रेष्ठले गर्नुभएको हो भने तारा थापाको सम्पादन, दीपक शर्मा र सुवास थापाको संगीत, रामजी लामिछानेको कोरियोग्राफी र देव महर्जनको एक्सन छ । चलचित्रको पोस्टर राकेश दाहालले डिजाइन गर्नुभएको हो भने फोटो श्रीधर पौडेलले कैद गर्नुभएको छ । चलचित्रको वितरण काठमाडौंमा ऋच इन्टरटेन्टमेन्ट र काठमाडौं बाहिर एफडि कम्पनीले गर्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच