काठमाडौं । आइसिसी पुरुष टी-ट्वान्टी क्रिकेट विश्वकपअघिको ‘वार्मअप’ खेलमा श्रीलंका र अफगानिस्तानले जित हात पारेका छन् । शुक्रबार राती सम्पन्न खेलमा श्रीलंकाले आयरल्याण्डलाई ४१ रनले पराजित गर्दा अफगानिस्तानले स्कटल्याण्डलाई ५५ रनले हरायो ।
अमेरिकामा भएको खेलमा श्रीलंकाले दिएको १६४ रनको लक्ष्य पछ्याएको आयरल्याण्डले १८ ओभर २ बलमा सबै विकेट गुमाएर १२२ रनमात्र जोड्न सक्यो । आयरल्याण्डका लागि कर्टिस क्याम्फरले २६ रन तथा कप्तान पल स्टिरलिङले २१ रन जोड्नुभयो । श्रीलंकाका लागि दासुन शनकाले सर्वाधिक ४ विकेट हात पार्नुभयो ।
यसअघि टस हारेर पहिले ब्याटिङ गरेको श्रीलंकाले निर्धारित २० ओभरमा ८ विकेट गुमाएर १६३ रन जोडेको थियो । श्रीलंकाका लागि एन्जेलो म्याथ्युजले सर्वाधिक ३२ रन बनाउनुभयो । आयरल्याण्डका लागि जोश लिटल र बेरी म्याककार्थीले २-२ विकेट हात पार्नुभयो ।
यस्तै, वेष्ट इण्डिजमा भएको खेलमा अफगानिस्तानले दिएको १७९ रनको लक्ष्य पछ्याएको स्कटल्याण्डले निर्धारित २० ओभरमा ९ विकेट गुमाएर १२३ रनमात्र बनाउन सक्यो । स्कटल्याण्डका लागि मार्क वाट्टले सर्वाधिक ३४ रन बनाउनुभयो । अफगानिस्तानका लागि करिम जनत र मुजिब उर रहमानले समान २-२ विकेट हात पार्नुभयो ।
यसअघि टस जितेर पहिले ब्याटिङ गरेको अफगानिस्तानले निर्धारित २० ओभरमा ८ विकेट गुमाएर १७८ रन बनाएको थियो । अफगानिस्तानका लागि गुल्बादिन नइबले ६९ रन तथा अजमातुल्लाह ओमारजाईले ४८ रन बनाउनुभयो । स्कटल्याण्डका लागि क्रिस सोलले ३ तथा बार्डली कुरीले २ विकेट लिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच