झापा । गैंडे सामुदायिक वन उपभोक्ता समूहका अध्यक्ष अमृतबहादुर कार्की र उपाध्यक्ष नन्दप्रसाद राय काठ तस्करीको आरोपमा पक्राउ परेका छन् ।
गैंडे सामुदायिक वन झापाको मध्यवर्ती क्षेत्र शिवसताक्षी नगरपालिका ११ मा रहेको छ ।
पूर्वमा कनकाइमाई र उत्तरमा इलामसँग सीमाना जोडिएको सो वनका अध्यक्ष कार्की र उपाध्यक्ष राय काठ तस्करीको आरोपमा पक्राउ परेका हुन् ।
सबडिभिजन वन कार्यालय दमक र रतुवामाई वृक्षरोपण आयोजनाको संयुक्त टोलीले ३२१ क्यफिट काठसहित उनीहरूलाई पक्राउ गरेको हो ।
दुईवटा रूखको २८ वटा काठका टुनासहित उनीहरू हिजो पक्राउ परेको सबडिभिजन वन कार्यालय दमकका प्रमुख एकराज दाहालले बताउनुभयो ।
उनीहरूलाई गैंडे सामुदायिक वन र रतुवामाई वृक्षरोपण आयोजनाको सीमानाका दुईवटा सालका ठूला रूख काटेको आरोप लागेको छ। अध्यक्ष कार्की र उपाध्यक्ष रायलाई थप अनुसन्धानका लागि डिभिजन वन कार्यालय चन्द्रगढी लगिएको छ ।
अध्यक्ष कार्की एक दशक अघिदेखि गैंडे सामुदायिक वन उपभोक्ता समूहको विभिन्न जिम्मेवारीमा सक्रिय छन् ।
कार्कीले एक कार्यकाल वरिष्ठ उपाध्यक्ष र दुई कार्यकाल उपभोक्ता समूहको अध्यक्षको जिम्मेवारी सम्हाली सकेका छन् ।
केही असन्तुष्ट व्यक्ति र रतुवामाई वृक्षारोपण आयोजनाका कर्मचारीले प्रतिशोध राखेर अध्यक्ष कार्की र उपाध्यक्ष रायलाई पक्राउ गरेको गैंडे सामुदायिक वनका एक उपभोक्ताले बताए । रतुवामाई वृक्षारोपण आयोजना र गैंडे सामुदायिक वन बीच लामो समयदेखि सीमाना विवाद छ । त्यही विवादमा फसाउने षड्यन्त्र स्वरुप अध्यक्ष कार्की र उपाध्यक्ष रायलाई पक्राउ गरिएको ती उपभोक्ताको दाबी छ ।
यसअघि दक्षिणी झापाको कचनकवल गाउँपालिका ७ स्थित पाथीभरा सामुदायिक वनका अध्यक्ष देवीबहादुर लोहारसहित आठ जना पक्राउ गरेर गुपचुप छाडिएको चर्चा छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच