काठमाडौं । साबिक विजेता नोभाक जोकोभिच चोटका कारण फ्रेन्च ओपन टेनिस प्रतियोगिताबाट बाहिरिनुभएको छ । विश्व नम्बर एक सर्वियन स्टार जोकोभिचले क्वाटरफाइनलअन्तर्गत नर्वेका कास्पर रुडविरुद्धको खेल त्याग्नुभएको थियो । चौथो चरणमा अर्जेन्टिनाका फ्रान्सिस्को सेरुन्डोलोसँगको खेलका क्रममा जोकोभिचको घुँडामा चोट लागेको थियो । चोटका बाबजुद उहाँले खेल ३-२ ले आफ्नो पक्षमा पार्नुभएको थियो । जोकोभिचले नखेल्ने भएपछि २२ वर्षीय सिनर अब जारी हुने वरीयतामा नम्बर १ खेलाडी हुने निश्चित भएको छ ।
यसैबीच, कार्लोस अल्कारेजले स्टेफानोस सिसिपासलाई पराजित गर्दै फ्रेन्च ओपनको सेमिफाइनलमा प्रवेश गर्नुभएको छ । अब उहाँले जेनिक सिनरको सामना गर्नुहुनेछ । तेस्रो वरीयताका २१ वर्षीय अल्कारेज ग्रिक ६-३, ७-६ र ६-४ ले विजयी रहनुभयो । दोस्रो वरीयताका सिनरले भने ग्रिगर डिमिट्रोभलाई ६-२, ६-४ र ७-६ ले पराजित गर्नुभयो ।
महिलातर्फ अमेरिकाकी कोका गउफ सेमिफाइनल पुग्नुभएको छ । उहाँले ओनस जबेरलाई ४-६, ६-२ र ६-३ ले पराजित गर्नुभयो । युएस ओपन विजेता गउफले अब पोल्याण्डका शीर्ष वरीयताकी इगा स्वाटिकको सामना गर्नुहुनेछ । स्वाटिकले भने अर्को खेलमा मार्केटा भान्ड्रोससोभालाई ६-० र ६-२ ले पन्छाउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच