विराटनगर । कोशी प्रदेशका मुख्यमन्त्री हिक्मतकुमार कार्कीले निजी क्षेत्रसँग सहकार्य गरेर अगाडि बढ्ने बताउनुभएको छ ।
मंगलवार प्रदेश योजना आयोगको आयोजना गरेको प्रदेश विकास परिषद्को बैठकलाई सम्बोधन गर्दै मुख्यमन्त्री कार्कीले यस्तो बताउनुभएको हो ।
उहाँले प्रदेश सरकारले योजना तथा कार्यक्रमहरु गैरसहकारी र निजी क्षेत्रसँगको सहकार्यमा जोड दिने बताउनु भयो । उहाँले निजी क्षेत्रको सहकार्यमार्फत प्रदेश सरकारले आयातलाई प्रतिस्थापन गर्दै निर्यात प्रवद्र्धनमा जोड दिने बताउनु भयो । उहाँले आयातलाई प्रतिस्थापन गर्दै निर्यात प्रवद्र्धन गर्ने योजनाका साथ प्रदेश सरकार अगाडि बढिरहेको बताउनु भयो । उहाँले केही चुनौतीहरूका बाबजुत पनि स्रोत र सम्भावनाका क्षेत्रहरूको प्राथमिकीकरण गर्नसके मात्रै प्रदेश सरकारका निश्चित लक्ष्य पूरा गर्न सकिने धारणा राख्नुभयो । धार्मिक पर्यटक, शिक्षा, स्वास्थ्य, कृषि, जललगायत धेरै क्षेत्रमा कोशी प्रदेश पर्याप्त सम्भावना बोकेको प्रदेश भएकाले यसलाई प्राथमिकीकरण गर्दै निजी तथा गैरसहकारी क्षेत्रसंगको सहकार्यमा अगाडि बढ्ने मुख्यमन्त्रीको भनाइ छ ।
पूर्वअर्थमन्त्री डा. युवराज खतिवडाले कोशी प्रदेश सम्भावनाको खानी भएको भन्दै प्रदेशको विकासको लागि गैरसरकारी संस्था र निजी क्षेत्रको भुमिकालाई प्राथमिकता दिन सुझाव दिनुभयो । उहाँले बजेटको स्रोत व्यवस्थापनको लागि नीति र योजना तर्जुमा गर्न र अनुगमनमा सहभागिता गराउन सकिएन भने प्रदेशको नभएर प्रदेश सरकारको मात्रै योजना हुने बताउनु भयो । उहाँले स्रोत व्यवस्थापन क्षमताका आधारमा योजना तर्जुमा गर्न सुझाव दिनुभयो । उहाँले कोशी प्रदेश जलस्रोत, कृषि, पर्यटन लगायत धेरै क्षेत्रमा राम्रो सम्भावना बोकेको प्रदेश भएकाले यस प्रदेशको योजना तर्जुमा गर्दा कुनै खास क्षेत्रलाई मात्रै तोकेर योजना बनाउनुभन्दा सम्पूर्ण सम्भावनाहरूलाई परिचालन र उपभोग गर्नेगरी योजना बनाउन सुझाव दिनुभयो ।
परिषद्को बैठकमा प्रदेश सरकारका विभागीय मन्त्रालयका सचिव, योजना आयोगका पदाधिकारी, अर्थ विज्ञ विकास परिषदका सदसहरुको सहभागिता रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच