![सुझाव कार्यान्वयन गर्न सबै तहलाई अख्तियारको निर्देशन](https://ehimalayatimes.com/wp-content/uploads/2023/04/akhtiyar.jpeg)
दाङ । तुलसीपुर उपमहानगरपालिका वडा नं.८ स्थित मावि अस्वारामा सांकेतिक भाषामा अभिव्यक्ति कला प्रतियोगिताको आयोजना गरियो । विद्यालयले गरेको उक्त प्रतियोगीतामा बहिरा विद्यार्थीहरु हातले संकेत गरेर बोलिरहेका थिए । त्यसको अनुवाद शिक्षक स्मृति योगीले गरिरहनु भएको थियो ।
आयोजित कार्यक्रममा कक्षा ९ का डम्बर घर्तीले सांकेतिक भाषामा भन्नुभयो, “सफलताका लागि काम गर्दा गर्दै असफलता हुन्छ, असफलता हुदा पिर पनि हुन्छ”, उहाँले थप्दै भन्नुभयो, “त्यसले गर्दा मान्छे दुःखी भएका हुन्छन्, सबै जनाले खुसी चाहान्छौँ । तर, पिरलाई खुसीमा बदल्न चाहेमा आशावाद हुनुपर्छ ।” मनलाई सकारात्मक बनाएर आशावादका साथ अगाडि बढेमा जीवन सार्थक हुन्छ, भन्ने उहाँको भनाई थियो । ‘संसारलाई आशावादकासाथ कसरी बदल्ने’ शीर्षकको प्रतियोगितामा अर्का प्रतियोगी भरत वलीले भन्नुभयो, “हामीसंग धेरै अपेक्षाहरु हुन्छन् । साँच्च्किै हामीले हाम्रा चाहानालाई पूर्णता दिन आशाका साथ अगाडी बढ्नु पर्छ । मनभित्र आशा राख्नु पर्छ । अनि मात्रै जीवनले पूर्णता पाउछ ।”
अर्का प्रतियोगी निरुता घर्तीले भन्नुभयो, “निराशालाई टाढा राखेर मस्टिष्कलाई परिबर्तन गर्न जरुरी छ । जीवनमा आशालाई मनभित्र राखेर काम गर्नुपर्छ, अनि सफलता पाइन्छ ।”
उनीहरु जस्तै १४ जना प्रतियोगीहरुले सांकेतिक भाषामा यसरी नै प्रस्तुती राखेका थिए । १४ जना प्रतियोगी मध्ये कक्षा ८ का हिमालजंग मल्ल प्रथम, कक्षा ९ का डम्बर घर्ती द्धितिय, कक्षा १० का भरत वली तृतिय र कक्षा ९ का निरुता घर्ती र गोपाल वली सान्त्वना हुनुभएको थियो ।
प्रथमलाई एक हजार, द्धितियलाई सात सय ५०, तृतिय र सान्त्वनालाई पाँच/पाँच सय रुपैँया पुरस्कार तथा प्रमाणपत्र प्रदान गरिएको थियो । बोल्न सक्ने ब्यक्तीले आफ्नो कुरा सहजै ब्यक्त गर्न सक्ने भएकाले बहिरा भएकै कारण बोल्न पनि नसक्ने र संकेतिक भाषा पनि सबैले बुझ्न नसक्ने अबस्था त्यस्ता विद्यार्थीहरुको मनोभावना बुझ्न यस्तो कार्यक्रम आयोजना गरिएको आयोजक अप्टिमिक क्लबले बताएको छ । हाल सोही विद्यालयमा एकसय ५ जना बहिरा बालबालिकाहरु पढ्दै आएका छन् ।
विषयवस्तुमै रहेर इसारामार्फत आफ्ना अभिव्यक्तिहरु दिएका ति विद्यार्थीको अभिव्यक्ति कला वास्तविक आवाजहीनका आवाज भएको सहभागीहरुको तर्क छ । अहिलेसम्म बहिरा विद्यार्थीका लागि प्रतियोगितात्मक कार्यक्रमको आयोजना नगरेको मावि अश्वाराका प्रधानाध्यापक हिरालाल न्यौपानेले बताउनुभयो ।‘विद्यार्थीहरुमा यो क्षमता देखेर म निकै उत्साहित भएको छु । एउटा पृथक कार्यक्रम गर्न सक्यौं, यो हाम्रो लागि उपलब्धि र सिकाइको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच