काठमाडौं । आगामी आर्थिक वर्षदेखि काठमाडौं महानगरपालिकाले कम्तीमा २० जनालाई रोजगारी दिने व्यवसायीलाई सुरुका तीन वर्ष व्यवसाय करमा शतप्रतिशत छुट दिने घोषणा गरेको छ । शुक्रबार काठमाडौं महानगरको आगामी आर्थिक वर्ष २०८१/८२ को नीति तथा कार्यक्रम प्रस्तुत गर्दै महानगर प्रमुख बालेन्द्र साहले यस्तो घोषणा गर्नुभएको हो । उहाँले काठमाडौं महानगरपालिकाबाट कार्यान्वयन हुने विकास निर्माणसम्बन्धी कार्यक्रममा आवश्यक जनशक्तिमध्ये कम्तीमा ३० प्रतिशत महानगरपालिकाको श्रम बैंकमार्फत् आपूर्ति गरिने व्यवस्था मिलाइने बताउनुभयो ।
महानगरको नीति तथा कार्यक्रममा महानगर क्षेत्रका सहकारी संस्थाको कारोबार विद्युतीय प्रणालीमा आबद्ध गरी थप व्यवस्थित बनाइने, सहकारी सूचना केन्द्रको स्थापना गरी बचत संकलन, ऋण परिचालन तथा संस्थाको सुशासन कार्य प्रभावकारी बनाइने, विद्यार्थीको मानसिक तथा शारीरिक विकासका लागि खेलकुदलाई पूर्वप्राथमिक तहदेखि अनिवार्य गरिने, सबै स्रोत केन्द्रमा कम्तीमा एकजना मनो परामर्शदाता र एकजना नर्स व्यवस्था गरिने, पूर्वप्राथमिक तहका कक्षा कम्तीमा दुर्ई तहमा सञ्चालनको व्यवस्था मिलाउँदै विद्यार्थीले अन्तर्राष्ट्रियस्तरमा प्रतिस्पर्धा गर्न सक्ने खालको क्षमता विकास गर्न सामुदायिक विद्यालयको शैक्षिक र भौतिक गुणस्तर सुधार गरिने उल्लेख छ ।
त्यस्तै, सामुदायिक विद्यालयको दिवा खाजाका लागि डाइट योजनासहितको मापदण्ड लागू गरिने, दुई सयभन्दा कम विद्यार्थी भएका विद्यालयमा सेन्टर किचन अवधारणा ल्याउने, सामुदायिक तथा संस्थागत विद्यालयमा गैरसरकारी संस्थाबाट उपलब्ध गराउँदै आएको छात्रवृत्तिलाई काठमाडौं महानगरपालिकाको एकद्वार प्रणालीमार्फत् वितरण गर्ने व्यवस्था मिलाइने, अटिजम भएका विद्यार्थीलाई लक्षित गर्दै विशेष विद्यालय स्थापना गरी सञ्चालन गरिने, विद्यार्थीलाई पढ्दै कमाउँदै अवधारणाबमोजिम पार्टटाइम काम गर्ने गरी रोजगारी सिर्जनाका लागि आवश्यक प्रबन्ध मिलाइने पनि नीति तथा कार्यक्रममा उल्लेख छ ।
त्यसैगरी काठमाडौं महानगरपालिकाभित्रका सामुदायिक विद्यालयको चलअचल सम्पत्तिलाई शैक्षिक प्रयोजनका लागि मात्रै प्रयोग गर्ने व्यवस्था गरिने, नेपालको संविधानले स्थानीय तहलाई दिएको अधिकारको पूर्ण प्रयोग गरिने, ‘सांस्कृतिक शहर, समृद्ध महानगर’ को परिकल्पनालाई मूर्तरूप दिन संविधानले दिएको अधिकारको अधिकतम् प्रयोग गरिने, काठमाडौं महानगरलाई सुरक्षित, समावेशी, सम्पन्न तथा जीवन्त शहर बनाइने नीति तथा कार्यक्रममा उल्लेख छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच