काठमाडौं । चलचित्र सतीदेवी’ को पहिलो गीत ‘लैजा दैव फिर्ता लैजा’ ले दर्शकको मन जितिरहेको छ । युट्युबमार्फत सार्वजनिक यो भावुक गीत तथा गीतमा समावेश चलचित्रका कारुणिक दृश्यले दर्शकको मन पागलेको छ । आगामी साउन ४ गतेदेखि सिनेमाघरमा आउने यो प्रतिक्षित चलचित्र ‘सतीदेवी’ को सार्वजनिक गीतले यसकी मुख्य अभिनेत्री मलिका महतको पीडा र वेदना बोलेको छ ।
सञ्चारकर्मीसमेत रहनुभएका लक्ष्मण सुवेदीको रहेको यो चलचित्रमा गीतमार्फत मलिकाले बाँचेको जीवनलाई बुझाउन खोजिएको छ । उहाँले आफ्नो भाग्यलाई खोटो सिक्कासँग दाँज्नुभएको छ, जुन निकै मर्मस्पर्शी देखिएको छ । सुवेदीकै शब्द रचना रहेको गीतमा सुभाष भुसालको संगीत, पुरुषोत्तम सुवेदीको एरेञ्ज र ममता गुरुङको स्वर छ ।
निर्देशक सुवेदीले यो गीतले चलचित्रमा कथावाचकको भूमिका निर्वाह गरेको दाबी गर्नुभएको छ । चलचित्रको यसअघि सार्वजनिक पोष्टर र टिजरले दर्शकमाझ राम्रो हाइप बनिसकेका छन् । टिजरमा अभिनेत्री महतको अभिनयको प्रशंसा भएको छ ।
निर्देशक सुवेदीकै लेखन रहेको चलचित्रमा मलिकासहित रमेश बुढाथोकी, सन्दीपबाबु लोहनी, सिर्जना अधिकारी, हर्षिका वली, मञ्जिला बानियाँ, कुलदीप अधिकारी, भोला सापकोटा, सुजिता सिवाकोटी, मनिषा सापकोटा, सन्देश लिम्बुलगायतकोे अभिनय छ । चलचित्रको निर्मातामा विशाल सुवेदी र श्रीदेवी सुवेदी रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच