काठमाडौं । भैरहवास्थित आयुर्वेद औषधि तथा आयुर्वेद खाद्यपदार्थ उत्पादक कम्पनी लुम्बिनी हर्बो स्युटिकल्सले सेयर जारी गर्ने भएको छ । कम्पनीले सेयर प्रक्रियाका लागि एलिट क्यापिटल लिमिटेडसँग सम्झौता गरेको छ । सोसम्बन्धी सम्झौतामा एलिट क्यापिटलका कार्यकारी अध्यक्ष दिनेश आचार्य र लुम्बिनी हर्बो स्युटिकल्सका अध्यक्ष डा. ध्रुव भट्टराईले हस्ताक्षर गर्नुभएको छ ।
एलिटले ‘रोड टु आइपिओ’ योजनाअन्तर्गत लुम्बिनी हर्बो स्युटिकल्सलाई थप पुँजी जुटाउँदै पब्लिक कम्पनीमा रूपान्तरण गरी आइपिओ निष्काशन गर्न परामर्श सेवा प्रदान गर्नेछ । एलिटले कम्पनीको पुँजी वृद्धि, व्यवसाय विस्तार, वित्तीय व्यवस्थापन र बजारीकरणमा समेत संस्थागत परामर्श सेवा उपलब्ध गराउनेछ ।
हाल १३ करोड चुक्ता पुँजी रहेको कम्पनीले नयाँ लगानीकर्ता थपिएसँगै पुँजी वृद्धि गरी नयाँ प्लान्टमार्फत् उत्पादन सुुरु गर्ने भएको छ । रूपन्देहीको तिलोत्तमा-१५ मा आफ्नै भवनमा रहेको कारखानामा कम्पनीले विभिन्न ब्राण्डका करिब दुई दर्जन आयुर्वेदजन्य औषधि तथा खाद्यपदार्थ उत्पादन गर्दै आएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच