रुपन्देही । जिल्ला घरेलु तथा साना उद्योग कार्यालय गुल्मीको आयोजना तथा रुरुक्षेत्र गाउपालिकाको संमन्वयमा पालिकाका उखु किसानलाई क्रस कटिंग तथा प्याकेजिंग सम्बन्धित तालिम प्रदान गरिएको छ ।
तालिमको समुद्घाटन गर्दै रुरुक्षेत्र गाउँपालिकाका अध्यक्ष यदु ज्ञवालीले पालिकाले उखुलाई ब्रान्डको रुपमा विकास गर्ने गरि योजना बनाएको बताउनु भयो । उहाँले निकट भविष्यमा पालिकाले योजना नै बनाएर उखु किसानलाई मुख्य प्राथमिकतामा राखेर काम गर्ने योजना बनाएको बताउनु भयो।
तालिममा प्रमाणपत्र बितरण गर्दै अध्यक्ष ज्ञवालीले सिकेको सीपलाई ब्यवहारमा लागू गर्नु पर्नेमा जोड दिनु भयो । उहाँले सिकेको सिपलाई व्यहारमा लागू गरि उद्यमशिलता विकास गर्नु पर्ने बताउनु भयो। अध्यक्ष ज्ञवालीले गुल्मीको रुरु अर्थात यो क्षेत्र गुण तथा खुदोको लागि व्रान्ड बनाएको क्षेत्र हो । यहाँ बाट उत्पादन हुने गुण तथा खुदोमा कुनै मिसावट तथा व्रान्डमा कमी आउन नहुने बताउनु भयो ।
आफुले सुनेको भने केहि फरक रहेपनि अब कृषकहरुले यो गुणस्तरमा कमीहुन नदिन आग्रह गर्नु भयो । हामीले यहाँ उत्पादित गुणलाई अनुगमन गरेका छौ । केही उद्योगलाई शिलसमेत गरेका छौं तर अब कुनैपनि उद्योगबाट उत्पादित गुणलाई गुणस्तर कामय गराउनु र पालिकाले के गर्नुपर्छ आबश्यक सहयोगको लागि तयार रहेको उहाँले बताउनु भयो ।
कार्यक्रममा जिल्ला घरेलु तथा साना उद्योग कार्यलय गुल्मीका प्रमुख जीवन घिमिरेले आगामि दिनमा पनि किसानलाई व्यवसायिक बनाउनको लागि पहल गर्ने बताउनु भयो ।
कार्यक्रममा रुरुक्षेत्र गाउँपालिकाका वडा नम्बर ३ का अध्यक्ष शेषनारायण पौडेलले यो तालिमले यस क्षेत्रका उखु किसानको लागि उत्पादन देखी क्रस कटिंग तथा प्याकेजिंगलगायत क्षेत्रलाई राहत पुराउने बताउनु भयो ।
तालिममा सहभागी किसानलाई पालिका अध्यक्ष यदु ज्ञवालीले प्रमाणपत्रसमेत वितरण गर्नु भएको थियो । गुल्मीको रुरु गुण तथा उखुको लागी परिचित क्षेत्र हो।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच