एलबी मगर
रोल्पा । रोल्पामा जिप दुर्घटना हँदा ७ जनाको मृत्यु भएको छ । जिल्ला प्रहरी कार्यालय रोल्पाका अनुसार घर्तीगाउँ बजारदेखि तालाबाङ गाउँतर्फ जाँदै गरेको लु १ ज ३२५२ न को यात्रुबहाक जिप सोमबार साँझ दुर्घटना भएको हो ।
माडि गाउँपालिकाको वडा न ४ को परेवा छहरा भन्ने स्थानमा भएको जिप दुर्घटना स्थलमा ५ जना र २ जनाको उपचारका लागि लैजाने क्रममा बाटोमा मृत्यु भएको प्रहरीले बताएको छ।
जिप सडकबाट करिब ४०० मिटर तल खसेर दुर्घटना भएको थियो । दुर्घटना परि घाइते भएका ६ जना लाई बुटवल रेफर गरिएको र २ जनाको जिल्लामै उपचार भैरहेको प्रहरीले बताएको छ। जिप चालक समेत घाइते भएको प्रहरीले बताएको छ।
पहिरो गएर बाटो बन्द भएको स्थानबाट अगाडि बढ्न नसकेपछि जिप रोकिएको र ब्याक गर्ने क्रममा भिरबाट तल खसेको प्रारम्भिक सूचना आएको प्रहरीले जनाएको छ । घाइते र मृतकहरुको पहिचान भइसकेको छ ।
मृत्यु हुनेहरूमा
१. माडि गापा ३ तालावाङ वर्ष ३३ की जुनमाया खड्का
२. ऐ ऐ वर्ष ७७ का खडक बहादुर डाँगी
३. ऐ ऐ दाबाङ वर्ष ३० की अमृता घर्ति
४. अमृता घर्तिकी १८ महिनाको छोरी (नाम नखुलेको)
५. परिवर्तन गापा वडा नं २ राङ्सी वर्ष ३३ की रामकली पुन
६. कर्मा घर्ती मगर
७. ऐ ऐ बस्ने वर्ष ७० का झुपलाल डाँगी रहेका छ्न।
दुर्घटना परि घाइते हुनेहरुकाे नामावली
१. माडी गापा वडा नं २ घर्तिगाउँ वर्ष ६ का हिटलर खड्का
२. ऐ गापा वडा नं ३ तालाबाङ् वर्ष ६० की कर्मा बुढा मगर
३. ऐ ऐ वर्ष ४२ की बरमालि घर्ति
४. ऐ ऐ वर्ष ३७ का खगेन्द्र बाठा
५. ऐ गापा वडा नं ३ दाबाङ वर्ष ४० की दिलकुमारी बुढा मगर
६. ऐ ऐ वर्ष १३ की प्रतिभा बुढा मगर
७. परिवर्तन गापा वडा नं ६ नाफे वर्ष ४५ का दिपक थापा (चालक)
८. गंगादेव गापा वडा नं ७ वर्ष ५० का नैन सिंह पुन रहेको प्रहरीले बताएको छ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच