रुपन्देही । पुर्व प्रधानमन्त्री एवं नेकपा एमालेका अध्यक्ष केपी शर्मा ओलीले एसईईको मौका परीक्षा दिने विद्यार्थीहरुलाई निशुल्क अनलाईन कक्षा संचालन गर्ने बताउनु भएको छ ।
शिक्षकहरु गुणस्तरका नहुँदा धेरै विद्यार्थीहरु एसइई परीक्षामा फेल भएको उल्लेख गर्दै अध्यक्ष ओलीले विज्ञ शिक्षकहरुबाट मुख्य मुख्य विषयहरुको निःशुल्क अनलाईन कक्षा संचालन गरिने बताउनु भयो।
नेकपा एमालेको भातृ संगठन अखिल नेपाल राष्ट्रिय स्वतन्त्र विद्यार्थी युनियन रुपन्देहीले बुटवलमा आयोजना गरेको विद्यार्थी सम्मान कार्यक्रममा बोल्दै ओलीले अबको केही दिनभित्रै विषय विज्ञ शिक्षकहरुबाट मुख्य विषयहरुको अनलाईन कक्षा संचालन गर्ने उहाँले बताउनु भयो ।
‘मुख्यगरी अंग्रेजी, गणित, विज्ञान र सामाजिक विषयमा धेरै विद्यार्थीहरु एसईई परीक्षामा अनुत्तीर्ण हुनुभएको छ, अहिले अनुत्तिर्ण भएपनि पुरक परीक्षामा पास बनाउने गरी हामीले निशुल्क अनलाईन कक्षा संचालन गर्दैछौं त्यसमा जोडिन सबै विद्यार्थीहरुलाई मेरो आग्रह छ,’ ओलीले भन्नुभयो ।
उहाँले फेल भएका विद्यार्थीहरुलाई मौका परीक्षामा राम्रो तयारी गरेर सहभागी हुन आग्रह गर्नु भयो। ‘अझैपनि केहि बिग्रिएको छैन मौका परीक्षा आउन एक महिना समय बाँकी छ, यो समयमा राम्रो तयारी गरेर पासहुने गरी परीक्षा दिनुभयो अहिले पास भएका विद्यार्थीसँगै पढ्न पाउनुहुने छ त्यसको लागि तयारी राम्रो गर्नुप-यो,’ उहाँले भन्नुभयोे।
२०८० चैत्र १५ गतेदेखि संचालन भएको एसइई परीक्षामा ननग्रेडमा परेका र अनुपस्थित भएका सबै परीक्षार्थीहरुका लागि राष्ट्रिय परीक्षा बोर्डले साउन २३ गतेदेखि २९ गतेसम्म पुरक (माैका) परीक्षा तोकेको छ ।
सोही परीक्षालाई लक्षित गरेर फेसबुक पेज र अनलाईन मार्फत निशुल्क कक्षा संचालन गर्न लागिएको ओलीले बताउनु भयो। उहाँले शिक्षकहरुमा आफुभित्र भएको ज्ञानसमेत प्रदान गर्ने सीप नहुँदा धेरै विद्यार्थीहरु फेल भएको बताउनु भयो। ‘अब शिक्षकहरुमा भएको ज्ञानलाई विद्यार्थीले बुझ्ने गरी प्रदान गर्ने सीप बढाउनुपर्छ,’ ओलीले भन्नु भयो ।
सम्बोधनको क्रममा कुनैपनि राजनीतिक अभिव्यक्ति नदिएका ओलीले नेपाल सधैँ स्वतन्त्र र स्वाभिमानी रहेकोले कुनैपनि मुलुकका सामु कहिल्यै झुक्न नपरेको बताउनु भयो ।
एसइई परीक्षामा उत्कृष्ट नतिजा हासिल गर्ने विद्यार्थीसँग केपी शर्मा ओली कार्यक्रम अन्तर्गत अनेरास्ववियूले एसइई परीक्षामा जिपिए ४ ल्याएर उत्तीर्ण भएका रुपन्देहीको सैनामैना नगरपालिका वडा नं. ६ स्थित रामापुर माध्यमिक विद्यालयका विद्यार्थी कृतिम भट्टराई र बुटवलको न्यू होराइजन बोर्डिङ स्कुलका प्रवेश खनालसँगै रुपन्देहीका सामुदायिक विद्यालयबाट ए प्लस ल्याएर उत्तिर्ण भएका एकहजार २२८ जना विद्यार्थीलाई सम्मान गरेको थियाे ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच