यमनका हुथीद्वारा सानाका बैंकहरू निलम्वन गरे आक्रमण गर्ने चेतावनी

हिमालय टाइम्स

३० अषाढ २०८१, आइतबार ०९:३०

Read Time = 2 mins

सिफारिस

जनमतको कदर गर्ने कि ?

डिजिटल संस्करण

विदेश

A A- A+

एजेन्सी । यमनको हुथी समूहले साउदी अरेबियालाई सम्भावित आक्रमणको चेतावनी दिएको छ । साउदी समर्थित यमनी सरकारले हुथी नियन्त्रित राजधानी सानामा बैंकहरू निलम्वन गर्न अगाडि बढेको खण्डमा आक्रमणको चेतावनी दिएको हो ।

हुथी सेनाका प्रवक्ता याह्या सारियाले आफूह प्रतिक्रियाको लागी तयार रहेको बताउनु भयो । साना–आधारित बैंकहरूले सरकारको नियन्त्रणमा रहेको बन्दरगाह शहर एडेनमा स्थानान्तरण गर्न सरकारले तोकेको समयसीमालाई बेवास्ता गरेपछि यो चेतावनी आएको हो ।

अप्रिल २ मा यमनको सरकारद्वारा सञ्चालित केन्द्रिय बैंकले सानाका सबै बैंकहरूलाई ६० दिनभित्र आफ्नो मुख्यालय अडेनमा सार्न आदेश दिएको छ । पालना नगर्ने फर्महरू विरुद्ध कानूनी कारबाही गर्ने धम्की दिएको छ ।

गृहयुद्धका क्रममा हुथीहरूले सरकारलाई सानाबाट बाहिर निकालेपछि सन् २०१५ मा पूर्वराष्ट्रपति हादीले अडेनलाई यमनको अस्थायी राजधानी घोषणा गर्नुभएको थियो । स्थानान्तरण आदेश राज्य संस्था र अर्थतन्त्रमा हुथीहरूको नियन्त्रणलाई कमजोर पार्ने उद्देश्यले सरकारको बढ्दो आर्थिक उपायहरूको हिस्सा हो ।