स्पेन । स्पेनिस ला लिगामा बार्सिलोनाले फराकिलो जित हासिल गरेको छ । शनिबार राती सम्पन्न खेलमा बार्सिलोनाले रियल भल्लाडोलिडलाई ७-० गोल अन्तरले पराजित गरेको हो । बार्सिलोनाको जितमा राफिन्हाले हृयाट्रिक गर्नुभयो भने रोबर्ट लेवानडोस्की, जुलेस कोउन्डे, डानी ओल्मो र फेरान टोरेजले एक/एक गोल गर्नुभयो ।
पाउ क्युबार्सीको पासमा गोल गर्दै राफिन्हाले २०औँ मिनेटमै बार्सिलोनालाई सुरुवाती अग्रता दिलाउनुभएको थियो । त्यसको चार मिनेटपछि नै लमिन यमलको पासमा लेवान्डोस्कीले गोल गर्दै अग्रता दोब्बर बनाउनुभयो । पहिलो हाफको इन्जुरी समयमा कोन्डेले गोल गर्दै अग्रता ३-० मा पु¥याउनुभयो । ६४औँ मिनेटमा राफिन्हाले व्यक्तिगत दोस्रो र टोलीका लागि चौथो गोल गर्नुभयो । ७२औँ मिनेटमा राफिन्हाले हृयाट्रिक पूरा गर्नुभयो । दोस्रो गोल उहाँले लेवान्डोस्की र तेस्रो गोल यमलको पासमा सम्भव बनाउनुभएको हो ।
निर्धारित खेल सकिन आठ मिनेट बाँकी रहँदा टोरेसको पासमा ओल्मोले अर्को गोल थप्नुभयो । त्यसको तीन मिनेटपछि नै राफिन्हाको पासमा टोरेसले नै गोल गर्दै बार्सिलोनालाई ७-० को फराकिलो जित दिलाउनुभयो । यो जितपछि बार्सिलोनाले यस सिजनमा लगातार चौथो खेलमा जित हासिल गरेको छ । बार्सिलोनाको चार खेलमा १२ अंक भएको छ र लिगमा शीर्ष स्थानमा रहेको छ । रियल भल्लाडोलिडको चार खेलमा चार अंक रहेको छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच