पोखरा । सशस्त्र प्रहरी बल एपीएफ र नेपाल पुलिस क्लब पोखरामा जारी एनसेल पाँचौं टाइगर कप राष्ट्रिय तथा अन्तर्राष्ट्रिय भलिबल प्रतियोगिताको फाइनलमा प्रवेश गरेका छन् । एपीएफ महिलातर्फ र पुलिस पुरुषतर्फबाट फाइनलमा प्रवेश गरेको हो । शुक्रबार पोखरा रंगशालामा भएको पहिलो खेलमा आयोजक टाइगर ग्रुपलाई ३-१ ले पराजित गर्दै एपीएफले फाइनलमा स्थान सुरक्षित गरेको हो ।
पहिलो सेट २५-२० ले आफ्नो पक्षमा पारेको एपीएफले दोस्रो सेट २१-२५ ले टाइगर ग्रुपलाई सुम्पिएको थियो । तेस्रो सेट २५-१९ र चौथो २६-२४ ले जित निकाल्दै एपीएफले फाइनल यात्रा तय गरेको हो । खेलको टाइगर अफ द म्याच निरुता ठगुन्ना र स्पाइकर अफ द म्याच सरस्वती चौधरी बन्नुभयो । पराजित भएको आयोजक टाइगर ग्रुपले शनिबार फाइनल प्रवेशका लागि टिपटक न्यू डायमण्ड स्पोटर््स क्लबसँग प्रतिष्पर्धा गर्नेछन् ।
पुरुषतर्फको खेलमा भने त्रिभुवन आर्मी क्लबलाई ३-२ ले पराजित गर्दै नेपाल पुलिस क्लबले फाइनलमा स्थान सुरक्षित गरेको हो । पहिलो सेट २५-१४ ले आफ्नो पक्षमा पारेको पुलिसले दोस्रो सेट २२-२५ ले आर्मीलाई सुम्पिएको थियो । तेस्रो सेट २५-२२ ले जितेको पुलिसले पुनः चौथो सेट २३-२५ ले हार बेहोरेको थियो ।
यसैबीच, एलिमिनेटरमा भारतको सुनिल भलिबल क्लबलाई पराजित गर्दै गण्डकी प्रदेश पोखरामा जारी एनसेल पाँचौं टाइगर कप राष्ट्रिय तथा अन्तर्राष्ट्रिय भलिबल प्रतियोगिताको पुरुषतर्फ दोस्रो क्वालिफायरमा प्रवेश गरेको छ । पोखरा रंगशालामा शुक्रबार भएको खेलमा सुनिल क्लबलाई ३-१ ले पराजित गर्दै गण्डकीले दोस्रो क्वालिफायरको यात्रा तय गरेको हो । पहिलो सेट गुमाएको गण्डकीले दोस्रो, तेस्रो र चौथो सेटमा पुनरागमन जित निकाल्दै दोस्रो क्वालिफायरमा आफ्नो स्थान सुरक्षित गरेको छ । गण्डकीले पहिलो सेट ३१-३३ ले गुमाएको थियो ।
गण्डकीले १६-११ को अग्रतालाई जोगाउन नसक्दा पहिलो सेट गुमाउन पुग्यो । तर, दोस्रो, तेस्रो र चौथो सेटमा भने उत्कृष्ट पुनरागमन गर्न सफल भयो । गण्डकीले दोस्रो सेट २५-१७, तेस्रो सेट २५-१६ र चौथो सेट २५-१७ ले आफ्नो पक्षमा पार्न सफल रहृयो । अब गण्डकीले फाइनल प्रवेशका लागि शनिबार त्रिभुवन आर्मी क्लबसँग खेल्नेछ । यस्तै महिलातर्फ पराजित भएको आयोजक टाइगर ग्रुपले शनिबार फाइनल प्रवेशका लागि टिपटक न्यू डायमण्ड स्पोटर््स क्लबसँग प्रतिस्पर्धा गर्नेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच