लण्डन । इंग्लिस क्लब म्यानचेस्टर युनाइटेड युइएफए युरोपा लिगको क्वार्टरफाइनल प्रवेश गरेको छ । बिहीबार राति सम्पन्न अन्तिम-१६ को दोस्रो लेगमा युनाइटेडले स्पेनिस क्लब रियल सोसिडाडविरुद्ध ४-१ को जित निकालेको हो । समग्रमा युनाइटेड ५-२ ले विजयी भयो ।
पहिलो लेग १-१ को बराबरीमा सकिएको थियो । ओल्ड ट्राफोर्डमा घरेलु टोली युनाइटेडलाई जित दिलाउन ब्रुनो फर्नान्डेसले हृयाट्रिक गर्नुभयो । एक गोल डियोगो डालोटको नाममा रहृयो । सोसिडाडका लागि मिकेल ओयार्जाबलले एक गोल गर्नुभयो ।
खेलको १०औं मिनेटमा ओयार्जाबलले पेनाल्टीमार्फत् रियाल सोसिडाडलाई अग्रता दिलाउनुभएको थियो । तर, ६ मिनेटपछि नै फर्नान्डेसले पेनाल्टीमार्फत् नै युनाइटेडका लागि बराबरी गोल फर्काउनुभयो । फर्नान्डेसले ५०औं मिनेटमा पेनाल्टीमार्फत् व्यक्तिगत दोस्रो गोल गर्दा युनाइटेड २-१ले अगाडि बढेको थियो ।
जोन आराम्बुरुले सिधै रातो कार्ड व्यहोर्दै मैदान छाडेपछि ६३औं मिनेटमा सोसिडाड १० खेलाडीमा सीमित भएको थियो । त्यसको फाइदा युनाइटेडले उठाउन सफल भयो । निर्धारित समय सकिन तीन मिनेट बाँकी रहँदा फर्नान्डेसले हृयाट्रिक पूरा गर्नुभयो । इन्जुरी समयमा डालोटले गोल गर्दै युनाइटेडलाई ४-१ को सहज जित दिलाउनुभयो । यसैगरी, एएस रोमालाई ३-१ ले पराजित गर्दै एथ्लेटिक बिल्बाओ लिगको क्वार्टरफाइनलमा स्थान सुरक्षित गरेको छ भने लाजियोले विक्टोरिया प्लजेनसँग १-१ को बराबरी खेल्दै अन्तिम आठमा स्थान बनाएको छ ।
लाजियोले बोडो/ग्लिम्टसँग खेल्नेछ, जसले ओलिम्पियाकोससँग २-१ को हार व्यहोरे तापनि समग्रमा ४-२ को जित निकाल्दै क्वार्टरफाइनलमा प्रवेश गरेको हो । यसैबीच फ्रान्कफर्टले अजाक्सलाई ४-१ ले हराउँदै सहज रूपमा अन्तिम आठमा स्थान बनाएको छ । पहिलो लेगमा २-१ को जित निकालेको लाजियो दोस्रो लेगमा प्लजेनसँग उस्तै संघर्ष गर्नुपर्यो । खेलको दोस्रो हाफमा पावेल सुल्चले राफियु डुरोसिन्मीको पासमा गोल गर्दै समग्र स्कोर बराबरी गरे । तर, ७७औं मिनेटमा एलिसियो रोमाग्नोलीले कर्नरबाट हेडर गर्दै लाजियोलाई ३-२ को समग्र जित दिलाउनुभयो । पहिलो लेगमा २-१ को अग्रता लिएको फ्रान्कफर्टले अजाक्सलाई २५ मिनेटभित्रै दुई गोल गर्दै खेल आफ्नो पक्षमा ल्याएको हो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच