लण्डन । लिभरपुलले इंग्लिस प्रिमियर लिग तालिकाको शीर्ष स्थानमा १२ अंकको अग्रता बनाएको छ । बुधबार राती रोमाञ्चक खेलमा एभर्टनलाई १-० ले हराउँदै लिभरपुलले शीर्ष स्थानमा १२ अंकको अग्रता बनाएको हो । ३० मध्ये २२ जित र सात बराबर तथा एक हारसहित टोलीको ७३ अंक छ । उसले ७० गोल गर्दा २७ गोलमात्रै बेहोर्दै उपाधि दौडमा एकल प्रतिस्पर्धी बनेको छ । समान खेलबाट ६१ अंक जोडेको आर्सनल दोस्रो स्थानमा छ । एभर्टन ३४ अंकसहित १५औँ स्थानमा रहृयो । एनफिल्डमा घरेलु समर्थकमाझ लिभरपुलले दोस्रो हाफमा विजयी गोल गरेको थियो । डिअगो जोटाले ५७औँ मिनेटमा गोल गर्नुभयो । लुइस डिआजको पासमा जोटाले टोलीको गोल खडेरी तोड्नुभएको हो । अब टोलीले प्रिमियर लिगमै फुलहमको सामना गर्नेछ । एभर्टनले भने दोस्रो स्थानको आर्सनलसँग खेल्ने तालिका छ ।
यसैबीच म्यानचेष्टर सिटीले लेष्टर सिटीलाई २-० ले हराएको छ । सिटीलाई जिताउन ज्याक ग्रेअलिस र ओमार मार्मासले समान एक गोल गर्नुभयो । लेष्टरविरुद्धको जितपछि सिटीले अंक दूरी घटाएको छ । यद्यपि टोली चौथो स्थानमा यथावत् छ । युरोपियन च्याम्पियनसिपमा स्थान बनाउन टोलीलाई चौथो स्थान नै पर्याप्त छ । शीर्ष स्थानको लिभरपुलको भन्दा सिटीको २२ अंक कम छ । दोस्रो स्थानको आर्सनलको पनि सिटीको भन्दा १० अंक बढी छ । अब सिटीको ध्यान आफूभन्दा ६ अंक बढी भएको नटिंघम फरेष्टलाई पछि पार्नु रहनेछ । निकै लयमा रहेको फरेष्टलाई पछि पार्न सिटीलाई निकै मुस्किल पर्न सक्छ ।
यता, सिटीसँग पराजित लेष्टरको रेलिगेसन सम्भावना झनै बढेको छ । टोली ३० खेलबाट १७ अंक जोड्दा पुछारबाट दोस्रो स्थानमा छ । लेष्टरसँगै यसपटक साउथहृयाम्पटन र इपस्विच टावन रेलिगेसन संघारमा छन् ।
ग्रिलिसको गोल भाइलाई समर्पित
म्यानचेस्टर सिटीका मिडफिल्डर ज्याक ग्रिलिसले लगभग १६ महिनापछि प्रिमियर लिगमा गरेको आफ्नो पहिलो गोल स्वर्गीय भाइ किलानलाई समर्पित गर्नुभएको छ । उहाँको निधनको बुधबार २५औँ वर्ष पूरा भएको थियो । डिसेम्बरपछि पहिलो पटक लिगमा सुरुवाती ११ मौका पाउनुभएका ग्रिलिसले खेलको दोस्रो मिनेटमै गोल गर्नुभएको थियो । उहाँको गोलको मद्दतमा इंग्लिस प्रिमियर लिगमा सिटीले लेष्टरलाई २-० ले हराएको हो । टोलीका लागि अर्को गोल २९औँ मिनेटमा उमर मर्मौसले गर्नुभयो । जितसँगै सिटी चौथो स्थानमा उक्लिएको छ । ३० खेलमा सिटीको ५१ अंक पुगेको छ । खेलपछि भावुक देखिनुभएका ग्रिलिसले यो विशेष दिन आफ्नो परिवारका लागि कठिन रहेको बताउनुभयो । ‘मेरो सानो भाइ आजभन्दा २५ वर्षअघि बितेका थिए,’ ग्रिलिसले भन्नुभयो, ‘यो दिन हाम्रो परिवारका लागि कठिन हुन्छ । मेरो आमा र बुबा खेल हेर्न यहाँ हुनुहुन्थ्यो, त्यसैले गोल गर्नु र जित हासिल गर्नु अद्भूत रहृयो ।’ स्टार स्ट्राइकर एर्लिङ हालान्ड चोटका कारण लामो समय मैदानबाहिर रहनु परेकाले प्रशिक्षक पेप गोर्डिओलाले ग्रिलिसलाई मौका दिनुभएको थियो । उहाँले खेलको सुरुवातमै गोल गर्दै त्यो निर्णय सही साबित गर्नुभयो । सिटी अब आइतबार म्यानचेस्टर डर्बीमा ओल्ड ट्राफोर्डमा म्यानचेस्टर युनाइटेडको सामना गर्नेछ । अन्य खेलमा एस्टन भिल्लाले ब्राइटनलाई ३-० ले, न्युक्यासलले ब्रेन्टफोर्डलाई र इपिस्वच टाउनले बोर्नमाउथलाई समान २-१ ले हरायो । साउथहृयाम्टन र क्रिस्टल प्यालेसले १-१ को बराबरी खेले । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच