काठमाडौं । बागमती प्रदेश अल्पाइन स्पोट्र्स फेडरेसनको साधारणसभा तथा निर्वाचन सम्पन्न भएको छ । सभाबाट आगामी कार्यकालका लागि नयाँ कार्यसमिति चयन गरिएको छ । सभाले राजेन्द्रकुमार श्रेष्ठको अध्यक्षतामा विजय थापा- उपाध्यक्ष, विकास लामा- सचिव, गोविन्द गुरुङ- कोषाध्यक्ष र थुप्तेन लामालाई सदस्यमा निर्वाचित गरेको छ ।
नियमअनुसार नौ सदस्यीय कार्यसमितिमा उपाध्यक्ष एक र सदस्य एकजनालाई अध्यक्षले मनोनयन गर्ने र बाँकी दुईजना सदस्य बागमती प्रदेश खेलकुद विकास परिषद्ले तोक्ने व्यवस्था रहेको छ । सभाले श्रेष्ठले अमृत श्रेष्ठलाई उपाध्यक्ष र मनिषा बुढालाई सदस्यमा मनोनयन गरी हालसम्म कुल सात सदस्यीय कार्यसमिति घोषणा गरिएको छ ।
उक्त सभामा बागमती प्रदेश खेलकुद विकास परिषद्की सदस्य दीप्ति क्षेत्री, अल्पाइन स्पोट्र्स फेडरेसनका अध्यक्ष गोविन्द भट्टराई, नेपाल रग्वी संघका महासचिव गोविन्द घिमिरे र महासंघका उपाध्यक्ष रोमनाथ ज्ञवालीलगायत विशिष्ट अतिथिहरूले नयाँ कार्यसमिति र महासंघलाई बधाई तथा शुभकामना व्यक्त गर्नुभएको थियो ।
सभामा अध्यक्ष राजेन्द्रकुमार श्रेष्ठले प्रगति प्रतिवेदन तथा आगामी कार्यक्रम प्रस्तुत गर्नुका साथै महासंघको विधान पारित गरिएको र निर्वाचन प्रक्रियालाई सफलतापूर्वक सम्पन्न गरिएको जानकारी दिनुभयो ।
अल्पाइन, एड्भेन्चर र टुरिजम खेलकुद क्षेत्रको प्रवद्र्धन तथा विकासका लागि स्थापित बागमती प्रदेश अल्पाइन स्पोट्र्स महासंघको नयाँ कार्यसमितिले आगामी दिनमा प्रभावकारी गतिविधिहरू अघि बढाउने प्रतिबद्धता जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच