नुवाकोट । दोस्रो संस्करणको ‘पञ्चकन्या जिल्लास्तरीय क्रसकन्ट्री दौडको पञ्चकन्या पालिकास्तरीय पाँच किमीतर्फ किरण तामाङ र रुविना तामाङ विजयी हुनुभएको छ । पञ्चकन्या जनकल्याण युवा समाजको आयोजनामा नुवाकोटको पञ्चकन्या गाउँपालिकामा सम्पन्न प्रतियोगितामा पाँच किमी पुरुषतर्फ किरणले २२ मिनेट १८ सेकेण्डमा दौड पूरा गरी उपाधि जित्नुभयो । मनहरि थापा २२ मिनेट ४९ सेकेण्डबाट दोस्रो तथा दिपेश तामाङ २२ मिनेट ५१ सेकेण्डबाट तेस्रो हुनुभयो ।
सोही दूरीमा महिलातर्फ रुविनाले २८ मिनेटमा दौड जित्नुभयो । सुप्रिता थापा २९ मिनेट २१ सेकेण्डबाट दोस्रो र विपना तामाङ ३१ मिनेट ४६ सेकेण्डबाट तेस्रो हुनुभयो । दुवैतर्फ पाँच किमीमा विजेता हुनेले ११ हजार, दोस्रो हुनेले सात हजार र तेस्रो हुनेले चार हजार रुपैयाँ पुरस्कार पाए ।
पुरुष खुला १० किमीमा प्रकाश तामाङ विजयी हुनुभयो । उहाँले ४१ मिनेट ३३ सेकेण्डमा दौड पूरा गर्नुभयो । जयराम थापा ४४ मिनेट ०४ सेकेण्डबाट दोस्रो र हरिचन्द्र तामाङ ४५ मिनेट १९ सेकेण्डबाट तेस्रो हुनुभयो । यस इभेन्टका विजेता प्रकाशविरुद्ध भने उजुरी परेको छ । प्रकाशले अर्कै नाममा खेलेको भनी अन्य खेलाडीले विरोध जनाएपछि उहाँ पुरस्कार नलिई हिँडेकाले छानबिन गरिने आयोजक युवा समाजले जनाएको छ ।
महिला १० किमीमा भने सावित्री थापा विजयी हुनुभएको छ । उहाँले १ घण्टा ५ सेकेण्डमा दौड पूरा गर्नुभयो । मेलिना पौडेल १ घण्टा १० मिनेटबाट दोस्रो र सुशीला तामाङ १ घण्टा १३ मिनेटमा तेस्रो हुनुभयो । १० किमीका दुवैतर्फका विजेता खेलाडीले २२ हजार, दोस्रो हुनेले १६ हजार र तेस्रो हुनेले १० हजार पुरस्कार पाए ।
विजेता खेलाडीलाई प्रमुख अतिथि सांसद तथा पूर्वमन्त्री नेकपा माओवादी केन्द्रका केन्द्रीय सदस्य हितबहादुर तामाङ, पञ्चकन्या गाउँपालिका अध्यक्ष तेजबहादुर तामाङ, उपाध्यक्ष विमला केसी पाठक, पञ्चकन्या गाउँपालिका वडा नम्बर ३ का वडाध्यक्ष रामबाबु पराजुलीलगायतले पुरस्कार प्रदान गर्नुभएको थियो ।
पञ्चकन्या गाउँपालिकाको कार्यालय लाकुरीभञ्ज्याङबाट सुरु भएको दौड ‘घ्याङस्वाँरा शहीद स्मारक पर्यटकीय पार्क’ पुगेर सोही रुट घलेभञ्ज्याङ आएर सकिएको थियो । दौडमा पाँच दर्जनभन्दा बढीको सहभागिता थियो ।
पञ्चकन्या–४ मा निर्माण गरिएको घ्याङस्वाँरा शहीद स्मारक पार्कको प्रचारप्रसार तथा जनकल्याण शैक्षिक अक्षयकोष स्थापनाको सहयोगार्थ दौड प्रतियोगिता गरिएको समाजका अध्यक्ष टीकाराम तामाङले बताउनुभयो । प्रतियोगितालाई पञ्चकन्या गाउँपालिकासहित विभिन्न देशमा रहेका व्यक्तिहरूले सहयोग गरेका थिए । कार्यक्रममा चर्चित कलाकारले सांगीतिक प्रस्तुति दिएका थिए ।
गत वर्ष फागुन ५ मा भएको पञ्चकन्या क्रसकन्ट्री दौडमा पञ्चकन्या-३ की एलिसा तामाङ र लिखु गाउँपालिका-४ का सुदीप राई च्याम्पियन बन्नुभएको थियो । २०६६ मा स्थापित पञ्चकन्या जनकल्याण युवा समाजले शिक्षा, स्वास्थ्य, खेलकुद, पर्यटन, संस्कृतिलगायत क्षेत्रमा विभिन्न गतिविधि सञ्चालन गर्दै आएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
1
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच