आइतबार कुन भगवानको पूजा गर्ने ?

हिमालय टाइम्स

Sunday January 14, 2024

Read Time = 4 mins

डिजिटल संस्करण

अध्यात्म/संस्कृति

A A- A+

काठमाडौं । सनातन परम्परा अनुसार हप्ताको हरेक दिन कुनै न कुनै देवतालाई समर्पित गरिन्छ । हिन्दू धर्मअनुसार आइतबार सूर्यदेवको बार मानिन्छ । यस दिन केहि सरल उपाय मार्फत सूर्य देवलाई प्रसन्न गर्न सकिने र जीवनका सबै समस्या समाधान गर्न सकिने धार्मीक मान्यता छ ।

सूर्यदेवबाट प्रकाश, आरोग्य, प्रतिष्ठा प्राप्त हुने छ भने दुष्टहरुको निवारण हुनेछ । नवग्रह शान्ति विधानमा मात्र सूर्योपासनाबाट सबै ग्रहको शान्ति मिल्ने उल्लेख छ । किन भने सूर्यदेवलाई नौ ग्रहको मुख्य ग्रह अर्थात राजा मानिन्छ ।

यस दिन सूर्य देवता मात्र नभई भय हटाउने भगवान भैरव र दुष्टको नाश गर्ने माता दुर्गाको पनि पूजा गरिन्छ । त्यसैले आइतवारको दिन पूजा गर्नुको धार्मिक महत्व के हो र के के फाइदा हुन्छ जानौं ।

सूर्य उपासनाको विशेष महत्व
हिन्दू धर्ममा आइतबार सूर्य देवताको पूजा गर्ने विश्वास छ। दृष्य सूर्यदेवको आराधना गर्नाले साधकको जीवनमा सुख, समृद्धि र सौभाग्य प्राप्त हुने जनविश्वास रहेको छ ।

आइतबार बिहान सबेरै उठेर पहिले नुहाउने प्रयास गर्नुहोस्, त्यसपछि सफा भाँडोमा पानी लिएर सूर्यदेवलाई अर्पण गर्नुहोस्। सम्भव भएमा भाँडामा गंगा जल पनि हाल्नुहोस्। जल अर्पण गर्दा ओम घ्रिण सूर्याय नमः मन्त्रको जप गर्नुहोस्।

दिनहुँ सूर्य भगवानको आराधना गरी अघ्र्य दिनेको जीवनमा सुख–समृद्धि आउने र कुनै पनि रोगले सजिलै छुने छैन भन्ने जनविश्वास रहेको छ ।

देवी दुर्गाको पुजा शुभ मानिन्छ
आइतबारको दिन दुर्गाको पूजा गर्नाले भक्तजनले दुर्गाको विशेष आशीर्वाद प्राप्त गर्ने जनविश्वास रहेको छ । आइतबार मात्र नभई मंगलबार र शुक्रबार पनि देवीको पूजा आराधनाको विशेष महत्व रहेको जनविश्वास छ । तर, आइतबारको पूजाको आफ्नै विशेष महत्व छ ।

आफ्नो मनोकामना पूरा गर्न आइतवार दुर्गा माताको पूजा गर्दा श्रृंगारका सामान, रातो वस्त्र, रातो फूल, रातो चन्दन र रातो रंगका फलहरू चढाउनुहोस्। यसो गर्नाले जीवनका सबै समस्याहरू हटेर घरमा सुखसमृद्धि आउँछ।

पूजाको समयमा देवीको महामन्त्र ‘सर्व मंगल मांगले शिवे सर्वार्थ साधिके। शरण्येत्रयाम्बिके गौरी नारायणी नमोस्तुते’ को जप अवश्य गर्नुहोस्।

भगवान भैरव को पूजा
आइतबारको दिन भगवान भैरवको पूजा गर्ने पनि विशेष महत्व छ । भगवान भैरवलाई भगवान महादेवको उग्र रुप मानिने जनविश्वास छ । आइतबार भैरवको पूजा गर्नाले भक्तहरूले शीघ्र फल प्राप्त गर्छन्।

आइतबार भैरवको पूजा गर्नाले छिट्टै प्रसन्न हुने र साधकका सबै मनोकामना पूरा हुने जनविश्वास छ । यस दिन पूजा गर्दा भगवानलाई फूल, मौसमी फल, नरिवल, सुपारी, मदिरा, सिन्दुर आदि चढाउनुपर्छ । यसका साथै भैरव मन्त्र ओम काल भैरवाय नमः जप गर्नुहोस्।

सनातन धर्म

हिन्दू धर्म

सूर्यदेव

यो खबर पढेर तपाईलाई कस्तो महसुस भयो ?