![वर्षा सुरू भएसँगै काठमाडौंका सडकको अवस्था नाजुक (तस्वीरमा हेर्नुहोस्)](https://ehimalayatimes.com/wp-content/uploads/2024/07/ktm-sadak1.jpg)
काठमाडौं । प्रेस काउन्सिल नेपालका अध्यक्ष बालकृष्ण बस्नेतले पछिल्लो समय प्रिन्ट मिडिया संकट आयो भनेर हात बाँधेर बस्न नमिल्ने बताउनुभएको छ ।
आईतवार प्रेस काउन्सिल नेपालको आयोजनामा ‘युट्युबसहित सामाजिक सञ्जालको पत्रकारितामा प्रभाव’ विषयक अन्तरक्रिया कार्यक्रममा बोल्दै अध्यक्ष बस्नेत यस्तो बताउनुभएको हो । उहाँले अहिले नेपालका प्रिन्ट मिडिया संकटमा रहेको बताउनु भयो । उहाँले प्रिन्ट मिडियाका व्यवस्थापन र सम्पादकीय नेतृत्वले वर्तमान समयअनकुलको रणनीति अपनाउनुपर्नेमा जोड दिनुभयो । उहाँले संकटपछि नै अवसरहरु आउने भन्दै अहिले धेरै अवसरहरु पनि आएको बताउनु भयो । उहाँले प्रिन्ट मिडियाको वर्तमान संकट टार्नका लागि प्रिन्ट मिडियाका व्यवस्थापक र सम्पादकीय नेतृत्वले व्यवस्थापकीय रणनीति फेर्न जरुरी रहेको बताउनु भयो । उहाँले प्रविधिको आधुनिकीकरणसँगै प्रिन्ट मिडिया र अन्य मिडिया हाउसले आफूलाई परिमार्जन गर्न जरुरी रहेको बताउनु भयो ।
उहाँले भन्नुभयो,‘ अहिले हामी संक्रमण कालमा छौं । त्यो संक्रमण काल हाम्रो हातमा छ । हामीले कस्तो काम गछौं त्यसले निर्धारण गर्छ । संकटसँगै अवसर पनि आएको हुन्छ । हामीहरुसँग अवसर पनि छ । हामीले प्रिन्ट मिडिमा संकट छ भनेर हात बाँधेर बस्ने हो भने कसैले आएर त्यो संकट फुकाउँदैन । प्रिन्ट मिडियालाई जोगाउनु छ भने प्रिन्ट मिडियाका लगानीकर्ताहरुले कसरी संकट टार्न सकिन्छ भनेर त्यही खालको रणनीति बनाउनुपर्छ । अहिलेका प्रिन्ट मिडियाका सञ्चालक,व्यवस्थापक र सम्पादीय नेतृत्वहरुले पनि अहिलेका प्रिन्ट मिडियालाई के ग¥यो भने पुरानो माइन सेटबाट अगाडि सार्न सकिन्छ र पाठक माझ पुग्न सक्ने रणनीति र प्याकेजहरु ल्याउनुपर्छ । व्यवस्थाकिय रणनीति र्फन जरुरी छ । जतिबेला प्रिन्ट मिडिया चुलीमा पुगेको थियो । त्यही रणनीति अनुसार अगाडि बढेर कही पुगिदैन । डिजिटल प्रविधिले धेरै विकास गरेको सन्र्दभमा प्रिन्ट मिडियामा आएका कन्टेन,विज्ञापन लगायत सबै सामाग्री कति चाँडो मोवाइलमा हेर्न सकिन्छ । भन्ने अभ्यास गर्नुपर्छ । त्यसपछि प्रेस काउन्सिल लगायत राज्यका निकायहरुले काम गर्छ । त्यस कारण प्रकाशकहरुले यतातिर ध्यान दिनुपर्छ। मिडियाका कन्टेन्ट आउने युट्युबसहितका न्यू मिडियाहरूलाई प्रभावकारी रूपमा कार्यान्वयन गर्नुपर्छ । न्यु मिडियाहरू समेत प्रेस काउन्सिलमा दर्ता हुने प्रक्रिया बढिरहेको छ । त्यही भएर हामीले आचारसंहिता पालना गर्नु अति आवश्यक छ । हामी त फेसबुक हौँ, युट्युब हौँ भनेर जथाभाबी गर्न पाइँदैन । कुनै पनि मिडियालाई अहिले सामाजिक सञ्जाल नभई भएको छैन ।’
उहाँँले युट्युबहितका न्यु मिडियाहरू समेत प्रेस काउन्सिलमा दर्ता गर्ने क्रम बढ्दै गइरहेको बताउनुु भयो । उहाँले मिडिया हाउसको रुपमा दर्ता हुने युट्युबसहित सामाजिक सञ्जालहरु सबैले काउन्सिलको आचारसंहिता अवलम्वन गर्न आवश्यक रहेको बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच