स्वतन्त्र उम्मेदवारी फिर्ता गराउन प्रहरी परिचालन

Wednesday October 12, 2022

Read Time = 2 mins

प्रदेश समाचार

A A- A+

बारा । बारा ४ (क) मा स्वतन्त्र उम्मेदवारी दर्ता गराउनु भएकी नारायणी रायमाझी (निरु( को उम्मेदवारी फिर्ता गराउन प्रहरी परिचालन गरिएको छ ।

सता गठबन्धनका उम्मेदवारविरुद्ध परेको रायमाझीको उम्मेदवारी फिर्ता गराउन प्रहरी परिचालन गरिएपछि केहीबेर सिमराको एक होटल क्षेत्र तनावग्रस्त बन्यो ।

आफ्ना शुभेच्छुकमाझ सिमराको एक होटलमा बसिरहेकी रायमाझीलाई लिन इलाका प्रहरी कार्यालय सिमराका डिएसपी युवराज तिमल्सिनाको टोली पुगेको थियो । डिएसपी तिमल्सिनाले आफूहरूलाई रायमाझी अपहरणमा परेको सूचना आएकाले आफूसँग हिंड्न आग्रह गरेका थिए । रायमाझीका समर्थकको अवरोधपछि डिएसपी तिमल्सिनाको टोली करिब आधा घण्टापछि होटलबाट फर्किएको थियो ।

सत्तारुढ दलका शीर्ष नेताबाट उम्मेदवारी फिर्ता गराउन भएको प्रयास असफल भएपछि प्रहरीसमेत परिचालन गरिएको र आफ्नो अपहरण नभएको उम्मेदवार रायमाझीले बताउनु भयो । रायमाझी नेपाली कांग्रेस नेतृ हुनु हो ।
-इन्दिप कोइराला

यो खबर पढेर तपाईलाई कस्तो महसुस भयो ?