कराँची । पाकिस्तानको विदेशमन्त्रीमा बिलावल भुट्टो जर्दारी चयन हुनुभएको छ । पाकिस्तान पिपुल्स पार्टी (पिपिपी) का अध्यक्ष भुट्टो जर्दारीले विदेशमन्त्री पदको सपथ लिनुभएको हो । उहाँलाई पाकिस्तानका राष्ट्रपति आरिफ अल्वीले सपथ ग्रहण गराउनुभएको छ । सो अवसरमा पाकिस्तानी प्रधानमन्त्री शाहबाज सरिफको उपस्थिति थियो ।
बिलावल पाकिस्तानका पूर्वप्रधानमन्त्री स्व. बेनजिर भुट्टो र पूर्वराष्ट्रपति आसिफ अली जर्दारीका सुपुत्र हुनुहुन्छ । सन् २००७ मा बेनजिर भुट्टोको हत्याको तीन दिनपछि बिलावललाई पाकिस्तान पिपुल्स पार्टीको अध्यक्ष बनाइएको थियो ।
३३ वर्षीय बिलावल भुट्टो सन् २०१८ मा पहिलोपटक सांसद निर्वाचित हुनुभएको थियो । उहाँ पहिलोपटक मन्त्री पदमा बस्नुभएको हो । इमरान खानको सरकारको पतनपछि पाकिस्तानमा पिएमएल (नवाज) का शाहबाज सरिफको नेतृत्वमा गठबन्धन सरकारले सत्ता हातमा लिएको छ । पाकिस्तान पिपुल्स पार्टी यो गठबन्धन सरकारको महत्वपूर्ण सहयोगी हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच