टीकापुर । नेकपा एमालेका अध्यक्ष केपी शर्मा ओलीले टीकापुर घटनामा अदालतले दोषी ठहर गरेका रेशम चौधरीलाई जेल हाल्नुपर्ने कुनै कारण नभएको बताउनुभएको छ । बिहीबार कैलालीको बर्दगोरिया गाउँपालिकास्थित बौनिया बजारमा आयोजित चुनावी सभालाई सम्बोधन गर्दै अध्यक्ष ओलीले हुँदै नभएको मुद्दा लगाएर थारू नेताहरूलाई थुनेर राखिएको बताउनुभयो । ओलीले कैलालीमा भएका हिंसात्मक घटनाप्रति दुःखी भएको समेत बताउनुभयो । ‘यो कैलालीमा टीकापुर घटना भयो । सो घटना दुःखद हो । को मारिए के मारिए भन्ने होइन, जो मारिए पनि नेपाली मारिए । त्यो राम्रो भएन,’ ओलीले भन्नुभयो, ‘टीकापुर घटनाले गर्दा यहाँका थारू नेताहरू अहिले पनि जेलमा छन् ।
सरकारले हुँदै नभएको मुद्दा लगाएर थारू नेताहरूलाई थुनेर राखेको छ । रेशम चौधरी र थारू नेताहरूलाई जेल हाल्नुपर्ने कुनै कारण छैन ।’
ओलीले आफू सरकारमा रहेका बेला थारू कल्याणकारी समितिसँग ६ बुँदे सहमतिसमेत गरेको स्मरण गर्नुभयो । तर, सहमति कार्यान्वयन नहुँदै एमाले सरकारबाट हटेको स्पष्ट पार्नुभयो । उहाँले परस्पर घृणा फैलाउने काम राम्रो नभएको बताउनुभयो । ‘एउटाले एक प्रकारको र अर्कोले अर्को प्रकारको नारा दिने द्वन्द्व लगाउने काम एमालेले गर्दैन,’ उहाँले भन्नुभयो, ‘सामाजिक सद्भाव बिगार्ने काम एमालेले गर्दैन ।’ २०७२ सालमा कैलालीको टीकापुरमा हिंसात्मक घटना भएको थियो । जसमा प्रहरीका एसएसपीसहित आठ जनाको मृत्यु भएको थियो ।
सूर्य चिन्ह हरियो बनाएकोप्रति आयोगसँग असन्तुष्टि
एमाले अध्यक्ष केपी शर्मा ओलीले पार्टीको चुनाव चिन्ह सूर्यलाई हरियो बनाएको भन्दै आपत्ति जनाउनुभयो । सूर्य चिन्हलाई हरियो बनाएर निर्वाचन आयोगले बेठिक काम गरेको उहाँको भनाइ छ । ‘यसपटक निर्वाचन आयोगले बेठिक काम गरेको छ । चुनाव चिन्ह सूर्यलाई हरियो बनाएको छ,’ उहाँले भन्नुभयो, ‘हामीले भन्दाभन्दै पनि रूखलाई हरियो बनाउनका लागि निर्वाचन आयोगले सूर्यलाई हरियो बनायो ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच