काठमाडौं । नेपालले युगान्डाविरुद्धको अन्तिम तथा पाँचौँ टी-२० अन्तर्राष्ट्रिय खेलमा युगान्डालाई ३३ रनले पराजित गरेको छ । योसँगै पाँच महिला टी-२० अन्तर्राष्ट्रिय खेलको सिरिज नेपालले तीन/दुईले गुमाएको छ । नेपालले दिएको १२४ रनको विजयी लक्ष्य पछ्याएको युगान्डाले निर्धारित २० ओभरमा ६ विकेट गुमाउँदै ९० रनमात्रै बनायो । युगान्डाकी रिता मुसामालीले ३८ बलमा सर्वाधिक २६ रन बनाउनुभयो । केभिन एविनो १५, फिओना कुलुमे आठ र जेनेत म्बावाजी १० रनमा आउट हुनुभयो । सकिरा सडिक १७ बलमा एक छक्कासहित १३ रनमा अविजित रहनुभयो ।
नेपालकी इन्दु बर्माले चार ओभरमा १२ रन खर्चेर दुई विकेट लिनुभयो । सीता रानामगरले चार ओभरमा १५ रन खर्चेर २ विकेट लिनुभयो ।
त्यसअघि टियु क्रिकेट मैदानमा टस हारेर ब्याटिङको निम्तो पाएको नेपालले निर्धारित २० ओभरमा ६ विकेट गुमाउँदै १२३ रन बनाएको थियो । नेपालकी ओपनर ज्योति पाण्डेले ६१ बलमा तीन चौकासहित ४९ रनमा रनआउट हुनुभयो ।
पहिलो विकेटका लागि सीता रानामगर र ज्योतिले ८.३ ओभरमा ४७ रनको साझेदारी गर्नुभएको थियो । सीता फिओना कुलुमेको योर्कर बलमा १७ रनमा बोल्ड हुनुभयो । सीताले २४ बलमा तीन चौका प्रहार गर्नुभयो ।
तल्लोक्रमकी कविता जोशी १५ बलमा दुई चौका र एक छक्कासहित १८, अप्सरी बेगमले पाँच बलमा दुई चौकासहित ११ रनमा जोड्नुभयो । कोन्सी एविको र फिओना कुलुमेले एक/एक विकेट लिनुभएको थियो ।
नेपाल पहिलो खेलमा १२ रन, दोस्रो खेलमा एक विकेट र तेस्रो खेलमा ६ विकेटले पराजित भएको थियो । चौथो खेलमा नेपालले युगान्डालाई १५ रनले पराजित गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच