पिपुल्स पावरको आईपीओ बिक्री खुला

३१ श्रावण २०७९, मङ्गलबार ०९:५६

Read Time = 2 mins

अर्थ ताजा समाचार

अर्थ/कर्पोरेट

A A- A+

काठमाडौं । पिपुल्स पावर कम्पनी लिमिटेडले आज मंगलबारदेखि सर्वसाधारणका लागि साधारण सेयर (आईपीओ) बिक्री खुला गरेको छ ।

कम्पनीले प्रतिकित्ता सय रुपैयाँ अंकित मूल्यका २४ करोड ६७ लाख ४० हजार रुपैयाँबराबरको २४ लाख ६७ हजार ४०० कित्ता सेयर बिक्री खुला गर्न लागेको हो । जसमध्ये २ प्रतिशत अर्थात् ४९ हजार ३४८ कित्ता सेयर कम्पनीका कर्मचारीका लागि छुट्ट्याइएको छ ।

५ प्रतिशत अर्थात् एक लाख २३ हजार ३७० कित्ता सेयर सामूहिक लगानी कोषहरूमा सुरक्षित गरिएको छ । बाँकी रहेको २२ लाख ९४ हजार ६८२ कित्ता सेयरका लागि सर्वसाधारणले आवेदन दिन सक्नेछन् ।

लगानीकर्ताले न्यूनतम १० देखि अधिकतम ५० हजार कित्तासम्म आवेदन दिन सक्नेछन् । भदौ ५ गतेसम्म आवेदन दिन सकिनेछ । उक्त मितिसम्म मागबमोजिम आवेदन नपरेमा भदौ १४ गतेसम्म आवेदन दिन समय थप हुनेछ ।

लगानीकर्ताले मेरोसेयर वेबसाइट र एपमार्फत आवेदन दिन सक्नेछन् । यस्तै, नेपाल धितोपत्र बोर्डबाट अनुमति लिई सी-आस्वा सेवामा सहभागी बैंक तथा वित्तीय संस्थाहरूबाट आवेदन दिन सक्नेछन् ।

यो खबर पढेर तपाईलाई कस्तो महसुस भयो ?